深宵食堂

營業中

休息中

同老朋友聚舊跟佢嚟到喱間深宵食堂，一出𨋢門就見到四周圍都是櫻花和懷舊動漫海報，背景音樂仲要播緊太田貴子嘅小忌廉主題歌，雖然地方唔大坐位亦比較窄，但夠哂mood亦非常乾淨。事但求其點咗D比較安全嘅菜色《蟹籽沙律》，《鹽燒雞軟骨》，《豚肉露荀卷》，《蒜燒大啡菇》，《芝士年糕》和《醋鯖魚茶漬飯》。蟹籽沙律清爽開胃；露荀卷露荀非常鮮甜；芝士年糕芝士味十足但唔會太腬；至於茶漬飯，鯖魚帶酸但茶是帶甜的，酸酸甜甜渾埋一齊感覺有點…「特別」。另外，《巨峰提子梳打》都幾好飲。美中不足的是要掃QRCode落單，但也能諒解小店人手不足才有此舉，侍應笑容滿面且非常有禮貌已彌補一切。