部屋咖啡室

有時候朋友仔問我，去旺角邊度最好hea,最抵食。其實有不少樓上cafe都唔錯，我去左部屋咖啡屋，同老公叫左個二人餐都夠食。見到唔少年輕人都會在場玩桌遊，增進友情。亦有知己好友，飲杯野傾下計，梳化位都多，叫餐時按鐘仔就自然有店員幫到你，無咩事都唔會打擾你，所以都坐得好自在。香辣虎蝦海鮮意粉虎蝦大隻，肉質爽口，已去腸，處理得好乾淨。仲有青口都新鮮。海鮮其實係蜆肉，份量適中，食落無沙，加上洋蔥，茄醬，青椒，增加風味。辣度都算少辣，意粉拌著辣汁，很過癮。至尊辣肉腸pizza餅底是薄批，有咬感，唔算好厚，兩個人夠食。肉醬，辣肉腸都夠份量，青椒，蘑菇做襯托，熱辣辣食既話，芝士都仲可以拉絲。熱Latte 咖啡要加$8,我覺得一定要叫熱飲，因為有拉花，所以我覺得值得叫。味道唔錯，奶味重，如果有燕麥奶就好了。凍薄荷朱古力呢個同樣都係要加$8,朱古力係偏甜，加上薄荷朱古力醬有冰涼感，所以叫正常冰，其實岩岩好。