Go Dutch Cafe

營業中

休息中

今日約埋三五知己出咗去旺角，搵咗間喺登打士街廣場10樓嘅Cafe傾計同食野！朋友仔睇完餐牌之後，開始都同店員點餐，叫咗小食蜜糖雞翼一份，煙三文魚凱撒沙律一份，牛肝菌雜菌雞柳長通粉一份，同埋自家製原隻燒春配沙律&薯蓉一份。咁另外都叫咗杯洛神花茶，沖得幾好飲，又開胃！店員見我哋有幾個人就提議我哋可以玩卡game！冇諗過食嘢之餘都仲有得玩下大家都好開心！嘢食方面最有驚喜就係原隻燒春雞啦，又香加上好Juicy ，呢個真係必點菜式！而牛肝菌雞柳長通粉都好重牛肝菌味道，而雞柳都好新鮮！