孖啡

營業中

休息中

旺角有好多樓上café，今日同朋友去左孖啡，場內環境闊落，氣氛唔錯。餐廳提供多款Dinner Set，套餐包一杯$38飲品，另外有多款主菜、小食、湯/甜品，飲品有咖啡系列、朱古力系列、紅茶/綠茶/梳打系列、水果茶系列、塔羅特飲。龍蝦湯：有好香濃既龍蝦味，鮮味十足。全日早餐：有煙三文魚、薯餅、兵加腸、茄汁焗豆、炒蛋、沙律、牛角酥，非常豐富；煙三文魚咸香味十足，薯餅炸得香口，炒蛋滑溜，沙律菜新鮮，牛角酥烘得香脆，這個全日早餐本身CP值已經相當高，加上擺盤精美，打卡度100%，高質必食！芝士焗吞拿魚天使麵：天使麵煮得軟硬適中，吞拿魚撈埋芝士既醬汁，有拉絲效果，份外邪惡。芝士蛋糕：芝士味道濃郁，口感幼滑細膩。總結，餐廳食物好味，環境舒適，三五知己或一大班朋友都可以嚟食下玩下。