影片
更多
2021-07-15
1096 瀏覽
週末去咗旺角買嘢，行到攰想揀間餐廳食個晚餐！ 今次就揀咗個樓上cafe，佢有8折優惠，價錢合理之如，好評都幾多🙊 呢間「吃吧」位於僑建大廈，唔算難揾，同層就有另一間人氣貓cafe！👀入面裝修偏向工業風，一入去就會見到巨型Chiba 嘅logo，座位與座位之間相隔一段距離，寬敞舒適！餐廳盡頭就係一排落地玻璃，有一定嘅採光度，個景就對住彌敦道啲大廈🏬呢度嘅價錢都幾相宜，款式算多而且有啲菜式都幾特別😆 仲有生酮餐單，照顧到唔同客人嘅需要！👏🏻 另外呢度有唔少特色手工啤酒揀，可以同朋友過嚟暢飲🍻❤️ 吃吧招牌拼盤 $138我見隔離枱叫咗呢個，即刻問下侍應係咩嚟！細問之下原來呢個係佢哋招牌菜嚟，拼盤用木盒裝住，一打開會出哂煙咁，煙燻味撲鼻 😶🌫️ 打卡一流呀😚木盒一盒有六格，分別有：煙三文魚珍珠洋蔥迷你酥盒、米通蝦芒果莎莎、松露毛豆、松露芝士&煙燻芝士、火腿蜜瓜、黑魚籽溏心蛋！迷你酥盒做得唔錯，酥皮酥化有牛油香；米通蝦芒果莎莎個米通好薄脆，蝦肉爽口彈牙配埋芒果莎莎好清新🌱 火腿蜜瓜香甜解膩！ 黑魚籽溏心蛋充滿鹹鮮😋 另外有兩款芝士係配梳打餅，芝士分量都唔少，兩款芝士都好濃味，相較之下我鍾意食松露
今次就揀咗個樓上cafe，佢有8折優惠，價錢合理之如，好評都幾多🙊 呢間「吃吧」位於僑建大廈，唔算難揾，同層就有另一間人氣貓cafe！👀
入面裝修偏向工業風，一入去就會見到巨型Chiba 嘅logo，座位與座位之間相隔一段距離，寬敞舒適！餐廳盡頭就係一排落地玻璃，有一定嘅採光度，個景就對住彌敦道啲大廈🏬
呢度嘅價錢都幾相宜，款式算多而且有啲菜式都幾特別😆 仲有生酮餐單，照顧到唔同客人嘅需要！👏🏻
另外呢度有唔少特色手工啤酒揀，可以同朋友過嚟暢飲🍻❤️ 吃吧招牌拼盤 $138
我見隔離枱叫咗呢個，即刻問下侍應係咩嚟！細問之下原來呢個係佢哋招牌菜嚟，拼盤用木盒裝住，一打開會出哂煙咁，煙燻味撲鼻 😶🌫️ 打卡一流呀😚木盒一盒有六格，分別有：煙三文魚珍珠洋蔥迷你酥盒、米通蝦芒果莎莎、松露毛豆、松露芝士&煙燻芝士、火腿蜜瓜、黑魚籽溏心蛋！
迷你酥盒做得唔錯，酥皮酥化有牛油香；米通蝦芒果莎莎個米通好薄脆，蝦肉爽口彈牙配埋芒果莎莎好清新🌱 火腿蜜瓜香甜解膩！
黑魚籽溏心蛋充滿鹹鮮😋
另外有兩款芝士係配梳打餅，芝士分量都唔少，兩款芝士都好濃味，相較之下我鍾意食松露芝士，一食就食唔停😏呢個拼盤真係非常豐富，價錢亦好親民👏🏻
❤️ 慢煮甜酒燴和牛面頰 $188
另一道必叫嘅招牌菜😛 Size比平時喺一般cafe食嘅大嚿😎 一切落去係超柔軟，不費吹灰之力就切到，食落去軟腍入味😻 脂肪比例少，牛味好重🐂 伴碟薯蓉相當幼滑👌🏻❤️ 温泉蛋煙肉芝士闊條麵 $108
侍應會拎住一盤熱溶芝士，喺你面前將芝士淋上carbonara🧀 呢個carbonara偏向creamy，香草味突出！❤️ 熱情果接骨木花茶 $56 & 水蜜桃荔枝茶 $56
居然係用花樽做杯，玩味十足！以假花做裝飾，真係諗都無諗過咁特別😂 造型富美感，好適合打卡📸 我齋影呢兩樽花都影咗幾分鐘🙊呢兩款冰果茶甜度適中，茶味唔會太濃，好清香唔苦澀，兩款比較之下水蜜桃荔枝茶更啱我口味！😜
餐廳推薦度：⭐️⭐️⭐️⭐️ (4/5)
以前食過唔少樓上cafe都偏伏，今次完全係高質嘅樓上cafe😲 一啲都唔伏，仲要價錢合理，環境唔錯！如果要喺旺角同朋友覓食坐低傾計聚舊，呢間係一個唔錯嘅選擇😎
張貼
