泰廚泰國菜館

營業中

休息中

呢排好鍾意食泰國菜，經過旺角見到呢間街坊泰國菜館，仲要做緊$1菜式優惠，二話不說就入咗去食 🤩 餐廳有兩層，電視機會播網上嘅泰國旅遊片，真係引到人好想即刻飛 😂泰式孖寶♦️泰式海南雞孖寶嘅海南雞有半隻，但係份量都唔少㗎，雞髀同雞胸部位嘅肉非常嫩滑 🐥♦️泰式明爐烏頭魚明爐魚真係好夠霸氣，魚上面有大量嘅泰式香料，食落魚肉唔會腥，仲好有泰式風味 🐟泰式豬手豬手好入味，肥瘦比例適中 。呢個係例牌嘅份量，如果叫原隻就非常適合一大班人share啦 🐷串燒沙嗲 呢個係非常推薦嘅菜式，我哋叫咗豬、雞、豬頸肉各兩串，每串都烤得超焦香，仲有啲炭烤嘅風味 。上面淋咗沙嗲醬，花生味超香濃，十分惹味🍢馬拉盞炒肥牛通菜食咁多肉就梗係要炒返碟菜平衡吓，揀咗馬拉盞好令成餐更充滿東南亞風味 🥬 呢碟菜嘅肥牛都唔少㗎 。泰式木瓜沙律晚市小菜叫滿$300就可用$1揀一款美食，有泰式海蜇、椰汁糕、生蝦同埋我揀嘅木瓜沙律 。呢份沙律酸酸辣辣好開胃啊🤤泰國象啤叫得咁豐盛，飲埋杯酒就啱晒啦🍻 店員非常親切，見到佢哋同食客都打成一片，成間餐廳都好有人情味 🤗 我會因為佢哋嘅串燒而回頭幫襯，而家諗返都回味無窮啊 。