Khon Kaen

營業中

休息中

星期五晚，我同太太去咗旺角一間泰國餐廳食晚餐，主打泰式串燒。我哋叫咗幾款特色菜式，想同大家分享一下。首先，我哋叫咗越南豬肉卷。口味獨特，肉味濃，呢個菜式第一次食，平時係其他餐廳都無見過。而我地一致最推薦係佢個醬！酸酸辣辣好過癮，我地覺得佢比一般泰式辣醬更加惹味！接著，我哋叫咗串燒拼盤。拼盤包括生菜包、燒雞全翼、燒司華力腸、燒豬頸肉同埋燒雞腎。最好食係燒豬頸肉，表面有啲香甜，應該係加咗蜜糖。雖然係拼盤，但份量都唔少，適合兩個人分享！雖然單點豬頸肉只可以一塊咁叫，要$1xx，唔叫平，但我同太太覺得呢個可以再encoure，送酒一流。佢個燒雞翼都好食，見到好多人黎叫外賣，相信應該都好受歡迎。最後，想提一下佢地既凍水。有趣嘅係，佢地既凍水係用維他蒸餾水。XD 雖然同食物無直接關係，但都係一個有趣嘅細節。總括嚟講，呢間泰國串燒餐廳係一個唔錯嘅選擇。如果你鍾意泰國菜式同串燒，不妨試下。