常嚐食•深燒堂 (已結業)

喺廣華醫院附近經過咁啱嗰日唔想掃街，見到有間串燒舖頭於是拉埋個friend入黎試下，估唔到都有小驚喜🤓🔎 深燒心甲粉 $58呢個花甲粉個味道好濃郁，花甲兩個人share黎講都好足夠，另外仲有好多配料本身已經包埋，例如娃娃菜同埋豆卜呢啲勁入味嘅餸，我哋叫咗BB辣已經有少少頂唔住，鍾意食辣嘅朋友可以叫勁啲🫢🔎 燒原條大茄子 $46係串燒舖嘅水準，即叫即整，都差唔多15-20分鐘先上，佢加咗好多調味料，例如孜然粉黑椒都有，高質唔錯👍🏻🔎 嫩嫩牛脷芯 $48佢呢隻牛脷唔係厚切嗰啲，而係食落去偏爽口，鍾意食牛舌嘅人，可以試吓，比到你唔同嘅風味😙🔎 燒一口京蔥豬頸肉串 $35🔎 流心芝士丸 $28呢個高質推介，特別係鍾意食芝士丸嘅朋友，佢燒到出面丸層皮脆脆地少少濃咁樣，再搽咗啲蜜糖，配埋入面爆出嚟嘅芝士咁樣食落去大滿足🙂 忍唔住叫多條😉🔎 燒日式雞泡魚乾 $48依家越來越多，串燒舖頭會有嘅雞泡魚乾，食落去都拍得住居酒屋嗰啲水準，送酒傾計一流😛🔎 酸酸甜甜燒菠蘿🍍 $25佢呢個菠蘿嘅設計上盤都幾有特色，佢係沿着菠蘿層皮咁樣上，佢都係燒到面頭有少少濃但係咬落去勁多菠蘿汁爆出嚟🍍😋🔎 藍妹 $22/樽