一豆花 (已結業)

行完花園街，臨上新世紀時經過呢間豆品店。以外賣和立食為主，店面唔大，賣既都係豆漿和豆花為主，不過仲有雞油腸粉幾特別。比起前面的公和豆品，呢度新潮d 和整潔d，專做豆品的地方吃豆花，應該真材實料過去賣得意野的甜品店啦？「立食」位係有凳既，歇歇腳還可以的。在出面買完豆花，自己拎碗野過黎食，職員唔多，都係一腳踢，無得要求咁多啦十幾蚊貨仔。見到有豉油豆花，係得意但未夠膽試鹹食豆花，所以叫左個薏米銀杏豆花 (熱)。薏米銀杏唔算少，夠撈整碗豆花，唔會過甜而又有些少野咬下（薏米）。豆花濃稠度剛剛好，豆香交到貨。十幾蚊一碗係合理的，會再黎幫襯。