味火鍋 (華僑商業中心)

香港人就係無論春夏秋冬都會鍾意打邊爐，呢間喺旺角樓上嘅火鍋店 一個價錢任飲任食 仲要唔限時，環境唔錯 座位夠哂闊落 人多重可以訂房😋😋佢嘅火鍋套餐都好豐富 有頭盤可以選擇，有芝士莎莎醬龍蝦、黑松露焗蠔、雞煲、或者酸菜魚。雖然我有啲想食雞煲，不過怕太多肉會好快飽，所以選擇左龍蝦😄之後就到打邊爐環節，會有一個海鮮拼盤同埋安格斯牛肉拼盤，份量會按返人頭數。火鍋湯底仲可以雙拼唔洗加錢 我哋就要咗海鮮喇沙同埋麻辣🌶️食物都好新鮮，海鮮款式好多，安格斯牛肉拼盤嘅牛肉味真係好濃🥩食完呢啲之後都仲有唔少火鍋配料可以任點，個人覺得水餃🥟牛丸同埋香芋丸都唔錯。