泰廚泰國菜館

營業中

休息中

放工同幾個朋友去咗旺角通菜街睇下啲貓貓狗狗療癒下心靈，行到咁上下見到行人天橋隔離有間泰國菜🇹🇭。老闆好熱情招待，話轉咗新廚房話好味左，仲做緊個一蚊優惠，我哋一行四人就秒速決定今晚著落了 😋😋🍹珍多冰，龍眼冰，香茅冰，菠蘿冰🪼泰式海蜇 （一蚊優惠）海蜇大舊好有咬口，上面淋咗啲酸酸辣辣嘅醬好開胃。🦐泰式生蝦 （一蚊優惠）生蝦晶瑩剔透，肉質彈牙，食落去非常新鮮。醬汁微辣。🍍菠蘿海鮮炒飯超多肉鬆，海鮮配料新鮮，菠蘿味炒得好出甜甜地好好食，炒飯粒粒分明，食得出師傅嘅功架。🐚泰式炒白貝白貝份量幾多，品質新鮮，小辣，同朋友傾計飲嘢一流。🦀咖哩軟殼蟹全餐重點😋 師傅啲咖哩汁完全唔吝嗇，軟殼蟹大舊多肉，而且上菜嘅時候仲係脆卜卜，加埋個汁食，口感contrast一流。咖哩汁甜甜地完全唔辣，適合香港人口味！🐟明爐烏頭明爐烏頭，天氣轉涼咁食暖笠笠不錯👍🏻烏頭新鮮，窩入面配料好多，食得微辣嘅話加埋個辣椒醬食，酸酸辣辣，有風味得嚟又唔會蓋過條魚本來嘅鮮味。