中心點 (已結業)

今日行經旺角購物，行到攰就睇吓旺角有乜嘢食，由於小編近排比較熱氣，所以決定食一啲比較清淡嘅食物，食點心係其中一個好選擇，見到中心點唔駛排隊，大熱天時，唔諗咁多就即刻入去試一試。 ＊店內坐得比較舒服，枱與枱之間唔會太擠迫，平日下午茶有八八折，都算抵食。小編今次叫咗一碗生滾鮑螺片雞粥，花膠海皇灌湯餃，沙巴蝦燒賣王，同花膠金錢棉花雞。上菜速道都算快！＊其中我最鍾意食係生滾鮑螺片雞粥，因為雞肉鮑螺片分量都比較充足，雞肉都有喊香味，粥既稀杰度又剛剛好，令到成碗粥食落既味道好好。其他食物就表現一般，不過不失。