獅叔 (已結業)

惹味嘅星馬菜幾時都係咁吸引🤪揉合藝術及創意嘅西餐品牌ATUM旗下就有間星馬菜獅叔，位於旺角The Forest商場，環境充滿玩味，到處掛上色彩繽紛嘅霓虹燈，適合打卡📸餐牌有唔少經典嘅星馬菜，好似肉骨茶、咖喱雞、辣椒炒蟹肉、麥皮蝦、喇沙等，仲有啲充滿星馬特色又靚嘅特飲🍹🦀星加坡辣椒炒蟹肉配饅頭去新加坡必食辣椒炒蟹，呢度做成變奏版，將蟹拆肉放入杰身嘅醬汁之中，食嘅時候更方便，啱晒我呢啲唔剝殼就話唔食蟹嘅人🤣🤣醬汁少少辣好惹味，可以點炸到外脆內鬆軟嘅饅頭。饅頭帶少許甜，加上醬汁又幾特別😋🦐燒牛油大頭蝦超級無敵巨型🤩🤩裡面啖啖肉，肉質比較軟腍但唔霉，其中一隻有唔少蝦膏，食落好滿足😙不過就唔係隻隻都有膏。🫙檳城大蝦炒粿條經典馬拉菜，粿條炒得夠乾身不油膩👏🏻大蝦都幾新鮮爽口，調味剛好😗🧈美祿咖央烤吐司超級邪惡嘅甜品😈😈多士夾住咖央醬同牛油，表面再灑上大量美祿粉😻食落甜中帶少許牛油嘅鹹味，整體唔會太甜膩。🥥班蘭椰子冰、椰皇睇賣相見到綠色糖漿以為味道會好假，點知完全唔會👏🏻飲落係好清新嘅椰子水加少少斑蘭香，非常解渴😎人均消費：$330推介指數（10分為滿分）：8分