初芋 (已結業)

今日同朋友去旺角行街，記得西洋菜街有間好hit嘅甜品店，一路冇去食，今日決定試試！舖頭有好多人好熱鬧，食物選擇都幾豐富。紅莓谷（一人份）$78夏天咁熱，梗係要食返份冰。餐廳供應四款冰，我哋揀咗士多啤梨味。啲冰食落好軟綿，入口即溶，而且本身已經帶牛奶味，甜甜地。面頭再鋪滿士多啤梨粉，食落有啲似士多啤梨牛奶味嘅珍寶珠。冰下面仲有寒天、士多啤梨啫喱等材料，口感豐富。賞鮮小拼盤（可選其一）$58估唔到甜品店都有滷水拼盤食，好特別！我哋揀咗2號，有齊鴨腎、花枝丸、豆腐卜同枝竹。一人份量都有四款食物，非常好，而且滷水汁好香！我最鍾意豆腐卜同埋枝竹，兩者吸收晒滷水汁，好入味！玫瑰荔枝四季春 $38朋友話依杯嘢飲玫瑰花味好濃。面頭奶蓋質地厚身，識落忌廉味重。奶蓋烏龍茶$38烏龍茶就清清地，可以解膩。