影片
更多
2023-11-11
157 瀏覽
旺角粉紅少女打卡cafe💕仲有幾款新甜品～—————首先講下最有驚喜嘅甜品牛乳草莓蛋糕！個名冇乜特別但原來係用原粒士多啤梨+兩款cream! 上面原味下面係奶蓋芝士鹹香味🤤 冇想像中咁甜，蛋糕佔整體唔夠一半，cream多過蛋糕🤣 另一款甜品係髒髒海鹽奶蓋可頌，上面係暖暖嘅可頌同海鹽奶蓋，切嘅時候覺得硬但食落軟硬度適中，底部係朱古力雪糕😙-講返主食，呢度嘅肉都比較濃同調味重，燒安格斯牛小排定食包三大塊連骨牛小排，不過每件嘅肥瘦不一，比較肥同油🤔 medium rare嘅美國安格斯肉眼都整得幾好味，本身都有黑椒調味，可以根據個人口味再點碟旁嘅鹽花～-前菜同小食試咗煙三文魚沙律、薯條同水牛城雞翼🤗 薯條係比較少見長+巨型粗薯條，份量都好多😂 黑松露醬值得試！-飲品試埋朱古力雪糕mocha，唔怕heavy可以試下～Mocha超濃，加埋放喺杯邊嘅朱古力雪糕同雪糕筒夠哂誇張，打卡一流！-價錢參考:燒安格斯牛小排定食 ( $158; 5點前$108)美國安格斯肉眼 ( $198 )香脆紐約薯條 ( $48 +$10黑松露醬 )煙三文魚田園沙律 ( $62 )水牛城雞翼 ( $62 )朱古力雪糕moc
旺角粉紅少女打卡cafe💕仲有幾款新甜品～—————
首先講下最有驚喜嘅甜品牛乳草莓蛋糕！個名冇乜特別但原來係用原粒士多啤梨+兩款cream! 上面原味下面係奶蓋芝士鹹香味🤤 冇想像中咁甜，蛋糕佔整體唔夠一半，cream多過蛋糕🤣 另一款甜品係髒髒海鹽奶蓋可頌，上面係暖暖嘅可頌同海鹽奶蓋，切嘅時候覺得硬但食落軟硬度適中，底部係朱古力雪糕😙-
講返主食，呢度嘅肉都比較濃同調味重，燒安格斯牛小排定食包三大塊連骨牛小排，不過每件嘅肥瘦不一，比較肥同油🤔 medium rare嘅美國安格斯肉眼都整得幾好味，本身都有黑椒調味，可以根據個人口味再點碟旁嘅鹽花～-
前菜同小食試咗煙三文魚沙律、薯條同水牛城雞翼🤗 薯條係比較少見長+巨型粗薯條，份量都好多😂 黑松露醬值得試！-
飲品試埋朱古力雪糕mocha，唔怕heavy可以試下～Mocha超濃，加埋放喺杯邊嘅朱古力雪糕同雪糕筒夠哂誇張，打卡一流！-
價錢參考:
燒安格斯牛小排定食 ( $158; 5點前$108)
美國安格斯肉眼 ( $198 )
香脆紐約薯條 ( $48 +$10黑松露醬 )
煙三文魚田園沙律 ( $62 )
水牛城雞翼 ( $62 )
朱古力雪糕mocha ( $48 )
牛乳草莓蛋糕 ( $68 )
髒髒海鹽奶蓋可頌 ( $58 )
-
P.S. 喺門口已經有粉紅牆打卡位，店內地面嗰層係粉紅style，而樓上係露營同型格風，想揀中意嘅位記得預先book位呀🥰
張貼
