Ann MaMa Thai Restaurant

營業中

休息中

近期有間位於旺角既「Ann Mama」出現係女人街，資料搜習下先知，原來係張秀玲既囡囡開既，兩間店舖係獨立之餘，菜式方向亦有所不同咁話。難得今日有時間，一早係晚飯時間前搵位避開人潮，趁機試下質素如何😃❇️晚市2人餐❇️🍄涼拌酸辣札肉有別於平時食既以洋蔥做蔬菜主打，依度改以大量蔥白、芹菜、芫荽加些少辣椒帶出辛辣感，微微酸又有啲魚露味，配上黑椒味既爽彈既扎肉，愈食愈覺辣勁，清新又刺激🍄泰式手打蝦餅一圈圈既蝦餅，一上枱就真係熱到辣咀；麵包糠炸皮又脆敢香口，蝦膠食到有蝦既鮮味又Q彈🍄傳統汁燒豬頸肉豬頸肉食落有炭香味之餘又好入咪，咬落軟嫩又帶d嚼勁，塊塊都爽彈無比。點埋泰式傳統沾醬，唔辣但好香青檸魚露香味，點肉類一流👍🏻🍄AnnMama蟹肉炒飯叫得招牌炒飯一定要試～食落好有鑊氣，飯粒通透乾身，蟹肉加埋蛋花有啲鮮味同蛋香，同係泰國食到既無分別，果然係必點之選👍🏻泰豬生菜包香料同紅蔥頭既香味入晒豬肉，少少辣味，而肉碎肥瘦幾平衡，連生菜食清爽可口，而且成碟份量好多，食到尾剩番既肉碎用黎送炒飯好食到不得了😂🍄泰式乾炒闊河（豬）見到隔離枱食好吸引，又點左碟炒河粉😅闊河好有米香味，比幼身河粉多左一份煙韌口感，醬