茶木‧台式休閒餐廳 (已結業)

旺角瓊華中心這間茶木. 台式休閒餐廳, 雖然位於樓上,但整層樓地方都好大, 部分座位更是卡位靠近窗邊, 真正坐得舒適， 又可以望望彌敦道嘅夜景。食物方面，當然質素有番咁上下，才有咁多捧場客。Teawood 三小碟, 今期以醉雞、溏心蛋和台式豬血糕為主， 碟頭也不少。醉雞是我至愛， 這裏的醉雞味道出色，酒味香濃而入味，雞肉質感嫩滑，正。希臘乳酪英國保濕豬扒燉藜麥飯， 水蛇春咁長嘅名稱 ，但食落味道又幾好味， 豬扒肉質好鬆軟， 有咬口， 以藜麥飯為主，好健康。芝心雞翼，賣相好吸引， 飄來陣陣香氣，未食已流曬口水。 味道又非常惹味， 做到皮脆肉香又多汁。甜品選了個新出嘅抹茶紅豆奶蓋岩漿蛋糕， 味道甜甜地，蛋糕入面有好多紅豆餡 ， 配上朱古力甜筒，好食。