Luna Kaffe

營業中

休息中

今日同朋友去旺角睇戲, 之後係通菜街附近搵左一間新開既西餐廳食飯。餐廳提供多款鐵板餐選擇, 其中最特別係威靈頓牛柳, 呢款唔係好多餐廳有, 價錢亦好抵食。我哋叫左紐西蘭肉眼, 以鐵板上菜, 用栗米和蔬菜伴碟, 食落去唔會太靭, 肉質都幾嫩滑, 跟餐仲有粗薯條, 炸得好脆。另外仲叫左香蒜欖油海鮮意粉, 有蝦魷魚蜆肉等, 魷魚炒得好爽口, 味道唔錯。我哋另外叫左款小食蒜香黃金螺, 食落幾彈牙。餐廳坐位幾闊落，我哋成晚仲傾左好耐時間。