Lab Eat Bistro (豉油街) (已結業)

約朋友始終都係旺角最方便，今次同朋友嚟到樓高三層嘅Lab Eat Bistro食Semi-Buffet，加多少少錢仲有酒水free flow，保證佢食得夠飽又滿足✌🏻✨• 海陸空半自助晚餐(Weekday) $328/位Semi-buffet每人可以揀一道主菜，我哋揀咗溫泉蛋海膽醬意大利飯，另一款加$188 upgrade咗美國穀飼天然牛腰扒。海膽Risotto雖然唔係好特別食到海膽味，不過都品嚐到海鮮嘅鮮甜，飯粒亦煮得軟硬適中，口感Creamy。牛腰扒一客有兩大件，中心呈粉嫩顏色，由於呢個部位嘅脂肪比例唔多，所以會偏向有肉感同重牛味☺️自助區方面，最搶手嘅一定係波士頓龍蝦，其次都有蝦、青口同翡翠螺等海鮮。熱食就有芝士薯角、炸雞粒同焗椰菜花，另外仲有麵包、沙律、煙三文魚、芝士、忌廉蘑菇湯等等，食物都算多完化。個人最鍾意就係互外燒烤區嘅串燒，每位食客都可以拎一份油香十足嘅和牛薄燒，而菠蘿豚肉串燒亦係必食，採用肥瘦相間嘅五花腩，非常香口，加上juicy多汁嘅菠蘿同微甜醬汁，食落有啲似中式嘅咕嚕肉！最後最後當然要留肚食佢哋嘅自家製甜品同Haagen-Dazs！