影片
更多
2024-06-02
63 瀏覽
呢間位於旺角女人街的嘅車仔麵店, 已經經營咗七年, 上網見到有慶祝周年活動, 佢地每日都會隨機送出十碗粉麵, 碗內有免費嘅字樣就可以免費食個碗麵啦！ 我今日就去睇下我有冇咁好幸運先! 餐廳主打車仔麵, 但亦有重慶酸辣粉, 麻辣燙等, 好多元化, 下午茶時間有熱飲送。店舖裝修風格充滿懷舊港式味道, 旁邊bar枱仲有位; 車仔麵有多達42款不同配料選擇, 麵底同湯底可以自由配搭, 份量都多, 價錢又抵食。四餸車仔麵 – $53 (1餸1 麵$29, 另加餸每款$8)雞翼尖, 牛柏葉, 魚蛋, 酸齋四餸車仔麵一大碗好足料翼尖, 湯底可以要豬骨清湯加腩汁 / 滷水汁/ 冬菇汁, 再揀辣度; 我要咗豬骨清湯加腩汁, 小辣, 味道濃郁略帶甜味, 小辣唔算好辣; 麵底要米粉, 都幾爽口; 牛柏葉新鮮爽口, 魚蛋有口感, 夠彈, 雞翼尖入味, 滷得夠火侯, 一食就骨肉輕易分開, 係店舖必揀嘅食品之一呀! 酸齋分開上, 值得一讚, 酸酸甜甜好開胃。四餸重慶酸辣粉 - $58 (1餸1 麵$34, 另加餸每款$8)牛腩, 牛筋, 魚肉春卷, 蘿蔔重慶酸辣粉辣度都可以自己揀, 老公要咗小辣, 大碗好足料,
餐廳主打車仔麵, 但亦有重慶酸辣粉, 麻辣燙等, 好多元化, 下午茶時間有熱飲送。店舖裝修風格充滿懷舊港式味道, 旁邊bar枱仲有位; 車仔麵有多達42款不同配料選擇, 麵底同湯底可以自由配搭, 份量都多, 價錢又抵食。
四餸車仔麵 – $53 (1餸1 麵$29, 另加餸每款$8)
雞翼尖, 牛柏葉, 魚蛋, 酸齋
四餸車仔麵一大碗好足料翼尖, 湯底可以要豬骨清湯加腩汁 / 滷水汁/ 冬菇汁, 再揀辣度; 我要咗豬骨清湯加腩汁, 小辣, 味道濃郁略帶甜味, 小辣唔算好辣; 麵底要米粉, 都幾爽口; 牛柏葉新鮮爽口, 魚蛋有口感, 夠彈, 雞翼尖入味, 滷得夠火侯, 一食就骨肉輕易分開, 係店舖必揀嘅食品之一呀! 酸齋分開上, 值得一讚, 酸酸甜甜好開胃。
四餸重慶酸辣粉 - $58 (1餸1 麵$34, 另加餸每款$8)
牛腩, 牛筋, 魚肉春卷, 蘿蔔
重慶酸辣粉辣度都可以自己揀, 老公要咗小辣, 大碗好足料, 配料有榨菜, 芫荽及花生, 味道鮮香麻辣帶微酸好惹味; 面底要了幼薯粉, 有韌度有口感; 牛腩瘦肉比較多, 牛筋晶瑩剔透, 夠腍滑, 蘿蔔清甜無渣, 夠腍; 魚肉春卷有兩大條, 吸滿湯汁好食; 賣相雖然唔吸引, 但味道一流, 酸酸辣辣, 好開胃, 仲有滑溜溜嘅薯粉, 好食!
飲品
跟餐可以用優惠價配飲品, 罐裝飲品汽水, 凍咖啡或茶都係加$9, 熱咖啡或茶加$7, 凍檸茶加$8。
張貼
