影片
更多
2022-11-30
644 瀏覽
行過見有間漢堡店就入去試下，店舖唔大，但食物選擇很多呀！揀左張卡位坐，再研究下食咩先，好多野都想食🤤落完單，店員送上手套同茄汁，仲提示枱上有餐具，態度很友善👍🍔竹炭雙層牛肉漢堡朋友點了份牛肉漢堡，個餐已包括沙律同薯條，份量仲唔少添。雙層牛肉真係好厚，仲有煙肉、蛋、蕃茄、生菜、芝士等，厚到根本咬唔到落去，哈哈，唯有分層食啦。漢堡扒好香口，仲好有肉汁添，朋友大讚呀！🍔竹炭軟殼蟹牛油果醬漢堡自己點左另一款漢堡，軟殼蟹係成隻㗎，即炸十分香脆，入面夾左蟹籽、牛油果醬、蕃茄、生菜同芝士，同樣十分厚身咬唔到，切開慢慢食先。香口滋味，大大個足料抵食！🥗下午茶～Half Day Breakfast朋友一向係全日早餐fans，見下午茶有個half day話要試下喎。半份都唔細份，大大個牛角包，上枱時係暖㗎，炸薯餅同炸雞都係新鮮炸起唔油膩，其他仲有煙肉、豬肉腸同沙律菜，五十二蚊仲包飲品，抵到爛啦！🍋凍檸茶&利賓納梳打朋友叫凍檸茶走甜，個茶底幾香檸檬無苦，好飲。自己杯梳打可以加配料，揀左要椰味，係星星形狀㗎幾得意⭐下午茶時段原來free飲品，仲唔使加一添，有下次！！
揀左張卡位坐，再研究下食咩先，好多野都想食🤤
落完單，店員送上手套同茄汁，仲提示枱上有餐具，態度很友善👍
🍔竹炭雙層牛肉漢堡
朋友點了份牛肉漢堡，個餐已包括沙律同薯條，份量仲唔少添。雙層牛肉真係好厚，仲有煙肉、蛋、蕃茄、生菜、芝士等，厚到根本咬唔到落去，哈哈，唯有分層食啦。漢堡扒好香口，仲好有肉汁添，朋友大讚呀！
🍔竹炭軟殼蟹牛油果醬漢堡
自己點左另一款漢堡，軟殼蟹係成隻㗎，即炸十分香脆，入面夾左蟹籽、牛油果醬、蕃茄、生菜同芝士，同樣十分厚身咬唔到，切開慢慢食先。香口滋味，大大個足料抵食！
🥗下午茶～Half Day Breakfast
朋友一向係全日早餐fans，見下午茶有個half day話要試下喎。半份都唔細份，大大個牛角包，上枱時係暖㗎，炸薯餅同炸雞都係新鮮炸起唔油膩，其他仲有煙肉、豬肉腸同沙律菜，五十二蚊仲包飲品，抵到爛啦！
🍋凍檸茶&利賓納梳打
朋友叫凍檸茶走甜，個茶底幾香檸檬無苦，好飲。自己杯梳打可以加配料，揀左要椰味，係星星形狀㗎幾得意⭐
下午茶時段原來free飲品，仲唔使加一添，有下次！！
張貼
