影片
更多
2024-07-06
401 瀏覽
辛苦咗一個星期，食返一餐放題嚟慰勞下自己！點知誤打誤撞去咗一間性價比極高嘅放題，超級驚喜！呢間放題種類繁多，除咗必食嘅刺身之外，仲有各款天婦羅，串燒，壽司，同埋熱菜！另外喺入口嘅位置亦都擺放住各款涼拌菜，飲品，甜品同埋幾個雪糕櫃，裏面擺住幾十款雪糕任你食！最驚喜係有Häagen-Dazs同埋Movenpick呢啲貴價雪糕，講真喺街度買一杯都要成$20 ，可見呢間舖頭真係落重本！本身對放題店嘅刺身都冇乜太大期望，但係呢間餐廳嘅刺身真係可以媲美酒店級數，三文魚肉質肥美，甜蝦刺身好大隻，而且口感軟糯清甜，幾款刺身都可以食得出好新鮮嘅感覺，抵讚！絕對唔可以唔介紹嘅係佢哋嘅榴槤任食套餐，榴槤肉係超級甜同埋軟腍腍，一食就知道係靚嘅榴槤！另外仲有燒榴槤，烤完之後外邊有少少燶燶地，食落會有一浸焦香味，呢個榴槤嘅食法好特別！最後要提一提呢個餐廳嘅位置好便利，就喺旺角地鐵站E 1出口隔離，而且餐廳嘅裝修好整潔，位置好闊落，所以食得好舒服！最近餐廳換咗Online Booking，如果大家想食嘅話都可以book個靚位嚟試吓！
呢間放題種類繁多，除咗必食嘅刺身之外，仲有各款天婦羅，串燒，壽司，同埋熱菜！另外喺入口嘅位置亦都擺放住各款涼拌菜，飲品，甜品同埋幾個雪糕櫃，裏面擺住幾十款雪糕任你食！最驚喜係有Häagen-Dazs同埋Movenpick呢啲貴價雪糕，講真喺街度買一杯都要成$20 ，可見呢間舖頭真係落重本！
本身對放題店嘅刺身都冇乜太大期望，但係呢間餐廳嘅刺身真係可以媲美酒店級數，三文魚肉質肥美，甜蝦刺身好大隻，而且口感軟糯清甜，幾款刺身都可以食得出好新鮮嘅感覺，抵讚！
絕對唔可以唔介紹嘅係佢哋嘅榴槤任食套餐，榴槤肉係超級甜同埋軟腍腍，一食就知道係靚嘅榴槤！另外仲有燒榴槤，烤完之後外邊有少少燶燶地，食落會有一浸焦香味，呢個榴槤嘅食法好特別！
最後要提一提呢個餐廳嘅位置好便利，就喺旺角地鐵站E 1出口隔離，而且餐廳嘅裝修好整潔，位置好闊落，所以食得好舒服！最近餐廳換咗Online Booking，如果大家想食嘅話都可以book個靚位嚟試吓！
張貼
