河內越式料理 (西洋菜南街)

營業中

休息中

星期六約左朋友去旺角行街, 順便逛逛新開既donki, 夜晚去左太子一間越南餐廳食飯。我哋叫左生牛肉湯河, 牛肉嫩滑，湯底牛骨味道濃厚, 飲落清甜。炸蝦餅撈檬, 蝦餅炸得香脆彈牙, 加埋甜酸醬一齊食, 十分開胃。我哋另外叫左兩款小食, 香茅雞翼煎得好酥脆, 香茅味突出, 肉質嫩滑。鮮蝦蔬菜米紙卷, 入面有蝦肉, 扎肉, 蔬菜,檬粉等, 配合特製醬汁, 食落好惹味。飲品方面叫左椰汁三色冰, 椰汁味香濃, 配埋三色珍多粉條好有咬口, 不會過甜。