影片
更多
2023-11-26
112 瀏覽
難得happy Friday老公拍拖外出晚餐, 涼涼地想食雞煲, 又想食火鍋, 又想食刺身; 之前聽人推介過係旺角兆萬嘅壹火鍋, 因為佢性價比高, 環境乾淨, 食物種類多; 門口見到個招牌大名。除了食雞煲及火鍋外, $199 (星期五,六,日5:00-6:00), 仲可以加$50食埋佢嘅鮑魚海鮮船, 或者加$50可以任食刺身及加$50可以無限追加靚牛, 真係好多套餐任你配搭, 好吸引呀; 餐廳係用手機落單, 超方便呀! 另外出面仲有自助區, 有好多蔬菜丸類同埋麵類; 醬料區都唔簡單, 有十幾款選擇, 而且仲有獨門調製醬汁皇后醬同皇帝醬, XO醬都有, 醬料都幾有驚喜!首先揀雞煲口味, 都有幾多款選擇, 包括原味重慶麻辣雞煲, 九層塔麻辣雞, 一品蜂蜜麻辣雞, 海大蝦麻辣雞, 芝士麻辣雞, 鴛鴦田雞麻辣雞; 我地要咗海大蝦麻辣雞煲, 辣度有3種, BB辣, 中辣, 大辣, 我地初嘗BB辣先; 雞煲上枱要預8分鐘等佢熱先, 之後店員會幫忙炒一炒啲雞就可以食得。麻辣嘅濃香味慢慢透出嚟, 有紫洋蔥, 蒜頭, 芫茜等配料, 雞都幾入味, 唔會好鞋, 蝦都新鮮彈牙, 唔錯! 海鮮船海鮮船上菜時,
首先揀雞煲口味, 都有幾多款選擇, 包括原味重慶麻辣雞煲, 九層塔麻辣雞, 一品蜂蜜麻辣雞, 海大蝦麻辣雞, 芝士麻辣雞, 鴛鴦田雞麻辣雞; 我地要咗海大蝦麻辣雞煲, 辣度有3種, BB辣, 中辣, 大辣, 我地初嘗BB辣先; 雞煲上枱要預8分鐘等佢熱先, 之後店員會幫忙炒一炒啲雞就可以食得。麻辣嘅濃香味慢慢透出嚟, 有紫洋蔥, 蒜頭, 芫茜等配料, 雞都幾入味, 唔會好鞋, 蝦都新鮮彈牙, 唔錯!
海鮮船
海鮮船上菜時, 真係嘩嘩聲, 因為海蝦真係好新鮮, 絕對係有質數, 超高質呀! 鮑魚, 花甲都好乾淨, 食落冇沙冇碎殼, 彈牙有口感及新鮮海水味。蠔係超大隻, 已經起咗放係蠔穀上, 新鮮冇腥味, 又飽滿, 淥完又唔會縮埋細細粒, 真係超滿足。生蝦, 魚柳, 貴妃蚌, 帶子真係樣樣都新鮮, 蟶子都好大隻, 又新鮮, 用手掌咁長, 好抵食呀! 加$50, 真超值。
牛食家
牛食家拼盤, 包括有極上牛板腱, 安格斯牛小排, 手切封門柳, 嚴選牛肩胛, 和牛肉眼; 肉質彈滑, 牛味好出色, 邊爐必點, 而且無限追加, 認真抵食。我最愛係手切封門柳, 肉質厚實牛肉味道重, 美國牛帶有雪花紋理, 食落有油香唔太膩, 封門柳有咬口過癮。全部都係靚牛, 又係加$50無限追加, 唔食會對唔住自己啦。
刺身
入面都有成10款魚生, 有三文魚, 甜蝦, 八爪魚, 墨魚片, 鮑魚片, 油甘魚, 馬刀貝, 鯛魚, 榮螺片, 希靈魚, 玉子, 蟹棒等等; 款款都冇雪藏味, 都幾新鮮, 最愛榮螺片, 帶有自然貝類甜鮮味, 正呀!
最後食埋甜品先, 有雪糕杯同埋3款泰式雪條, 仲有朱古力脆皮雪糕批, 我超鐘意呢個, 雪糕杯就鐘意焦糖餅, 唔錯!
張貼
