汀汀烤活魚 (已結業)

😋係旺角行完街，烤魚隱莫明地發作！以最快既速度，去左樓上呢間「汀汀烤活魚」，環境裝修新潮型格，加上霓虹燈光有d迷幻，聽住韓文歌特別Chill呀！🐟首創烤荀殼魚（$368）烤魚好大條，鋪面辣椒、芫荽同香料，越滾就越香辣，煎過既外皮好脆口，魚肉細嫩新鮮，比較少骨刺。👍🏻底下仲有好多配菜：豬皮、蘿蔔、青瓜同豆卜，吸晒d辣湯汁後，勁入味香濃，雖然點左小辣，但應該屬於三小辣嘅中辣，辣中帶點麻，好過癮呀！🍹食完烤魚其實都好夠飽，所以只叫左牛百葉、雲吞、油麥菜，好鐘意呢杯水果百香果綠茶，味道天然清甜，有好多新鮮生果！🥢整體食物都唔錯，價錢親民地點方便，絕對可以滿足食辣嘅朋友仔啦！