新記雞粥 (鴻禧大廈)

營業中

休息中

放工唔想食太多，想食粥但男人又想食小食，諗諗下見有麵有小食有粥就坐低咗。海鮮粥：香噴噴，個粥底都幾綿密。入面有魚片、帶子、蟹，仲有一絲絲既薑絲，清清地會有海鮮本身既鮮甜味～酥炸魷魚鬚：想講一上碟男人就好開心，因為份量十心好大。個炸粉唔會話好厚身，仲會食到彈牙既魷魚本體。出面脆身入面爽口，我都偷食咗一條。口水雞：口水雞係今餐mvp，個雞皮好爽脆，肉都唔霉，講緊雞胸既位都好好食🤤。上面好多香蔥+油蔥，幾有特色。蝦米炸兩：個炸兩俾到好溫柔既感覺，個米漿夠薄，鋪係油炸鬼既上面，一齊唔會介口，送粥幾好。