第三站

收咗工同朋友嚟旺角食晚餐，搵到呢間好隱世樓上Cafe，坐得好舒服之餘，估唔到嘢食質素都幾有驚喜。我哋嗌咗兩個套餐，有西班牙海蝦辣肉腸燴飯同煙三文魚忌廉蕃茄醬扁意粉🍝。燴飯嘅蝦肉質唔霉，都幾彈牙，辣肉腸切開一片片，辣得黎又幾開胃，西班牙飯就夠濕潤，份量仲比一般既餐廳多。而煙三文魚忌廉蕃茄醬扁意粉就好有驚喜，本身我唔鍾意蕃茄醬既味，但加左忌廉既蕃茄醬係冇酸味，反而係微甜同好creamy，加埋扁意粉軟硬適中，用黎撈呢個醬超正👍🏼煙三文魚卷成花既形狀，賣相仲加左分添。另外我哋仲叫咗份小食，蜜糖雞翼醃得好入味，係我既大愛。野飲方面，跟餐可以叫一杯$38嘅嘢飲，多咗就補差額。我叫咗熱焦糖朱古力☕️，加咗忌廉上面仲有少少焦糖粒粒，非常好飲。朋友就叫左巨峰提子乳酪，成杯都係紫色的，但係飲落比較甜。跟餐我哋仲加錢叫咗一個開心果麻糬提拉米蘇，以為係一個好普通嘅Tiramisu，原來入面有好多麻糬粒粒，食落好煙煙韌韌，開心果粒仲鋪滿成個甜品，脆脆的，真係好滿足。旺角呢頭真係好多穩世餐廳，黎開呢頭再發掘下先。