沙田頭火鍋 (已結業)

疫情之後都好耐冇試過打邊爐，今日行開旺角就去咗打邊爐，一坐低就叫咗個芫荽皮蛋同埋沙嗲湯底。打邊爐當然要食牛肉啦，佢哋啲牛肉雪花分布真係幾好，油脂好均勻。另外仲叫咗龍躉皮同埋黃喉，個龍躉皮真係冇得彈，碌幾秒就食得爽滑彈牙，黃喉好亦都好彈牙。打邊爐當然唔少得四寶丸，手打牛肉丸、蝦丸 、墨魚丸、鯪魚丸，好我自己覺得最好味就係手打牛肉丸，真係食得出係自己打嘅。叫左枝啤酒，當然要叫埋豬皮同埋竹笙，竹笙佢處理得幾乾淨，另外鮮炸響鈴有紫菜都幾特別，碌1秒已經啱啱好。另外仲叫埋五款餃，鳳城水餃、鮮蝦雲吞、韭菜餃、黃金蛋包蝦餃，我覺得最有驚喜就係個黃金蛋包蝦餃，我出面都未試過食到，食埋個蔬菜拼盤就飽到已經食唔落其他嘢。