更多
2019-03-20
239 瀏覽
原來根本旺角就有好多高質餐廳,只係喺曬高層平時唔知!今次就嚟到Sky726, 喺彌敦道726嘅25樓,好近地鐵B2出口的(天橋過對面馬路行兩步就到)本身想book 2030,但要去到2130先有位,睇嚟係好旺嘅餐廳。內在環境的確幾靚幾有格調!燈光昏暗,但有好多燈飾由25樓望落去個景係咁。雖然唔係話有咩靚景,但有落地大玻璃感覺都開揚啲。檯上有個小蠟燭~ 格調的重點!drinks menu係用平板的,cocktail價位都係 $80-100/glass個廚房係咁樣隔住塊玻璃,望到入面的~雖然裝修係靚啦,但係擺位實在太逼了。檯同檯之間嘅距離非常少,原本都好細嘅空間,竟然都可以塞到好多張檯,感覺好似用盡每一寸地方去擺檯(就連廚房玻璃個轉角位都要塞張檯⋯) 個種高級嘅氣氛即刻降低咗。地方細,人又多,代表啲咩? 係嘈呀~ 個環境真係幾嘈,又窄,可以好清楚咁聽到隔離檯講咩,直情有搭檯嘅感覺,其實都幾尷尬。但都唔緊要嘅,最緊要都係啲嘢食嘛~ 我哋嚟睇下menu價位算係中高,咁就要睇下值唔值呢個價喇~其實$138一個caesar salad係有啲貴,但上檯後我又覺得,都係誠意之作而且份量幾多。你睇下啲菜
今次就嚟到Sky726, 喺彌敦道726嘅25樓,好近地鐵B2出口的(天橋過對面馬路行兩步就到)
本身想book 2030,但要去到2130先有位,睇嚟係好旺嘅餐廳。
內在環境的確幾靚幾有格調!燈光昏暗,但有好多燈飾
由25樓望落去個景係咁。雖然唔係話有咩靚景,但有落地大玻璃感覺都開揚啲。
檯上有個小蠟燭~ 格調的重點!drinks menu係用平板的,cocktail價位都係 $80-100/glass
個廚房係咁樣隔住塊玻璃,望到入面的~
雖然裝修係靚啦,但係擺位實在太逼了。檯同檯之間嘅距離非常少,原本都好細嘅空間,竟然都可以塞到好多張檯,感覺好似用盡每一寸地方去擺檯(就連廚房玻璃個轉角位都要塞張檯⋯) 個種高級嘅氣氛即刻降低咗。
地方細,人又多,代表啲咩? 係嘈呀~ 個環境真係幾嘈,又窄,可以好清楚咁聽到隔離檯講咩,直情有搭檯嘅感覺,其實都幾尷尬。
但都唔緊要嘅,最緊要都係啲嘢食嘛~ 我哋嚟睇下menu
價位算係中高,咁就要睇下值唔值呢個價喇~
凱撒沙律配溫泉蛋
$138
33 瀏覽
0 讚好
0 留言
其實$138一個caesar salad係有啲貴,但上檯後我又覺得,都係誠意之作而且份量幾多。
你睇下啲菜,大到好似奶油津白咁😂
凱撒沙律配溫泉蛋
$138
16 瀏覽
0 讚好
0 留言
啲菜一咬落去係「索」一聲!係好爽脆、鮮甜嘅生菜~ 醬都值得一提,好香濃嘅mayonnaise😇 煙肉亦唔係得少少碎,係原片的。
溫泉蛋可憐地瑟縮喺碟邊,好唔顯眼,但係做得剛好,蛋白嫰滑 蛋黃流心~
有少少美中不足係 啲芝士片唔脆,但係勝在味道夠濃。
香煎帶子寬條麵伴煙紅椒汁
$188
30 瀏覽
0 讚好
0 留言
點知!
一入口我係雙眼發光的 個口感啊! 意粉個口感超出色,帶有嚼勁嘅煙韌~~ 有驚艷之感
而且啲麵食落,唔知係因為掛埋啲汁定點,係好香的,有啲蛋香
其實一上檯,個汁嘅香味係即刻散曬出嚟,垂涎欲滴
咁煙紅椒汁究竟係咩味呢? 係一種有啲三色椒甜味感覺,又有少少似千島醬咁,一個字,好味!
醬汁中亦混入超級多嘅菇,提升口感,令成個意粉好似好豐富咁。
香煎帶子寬條麵伴煙紅椒汁
$188
31 瀏覽
0 讚好
0 留言
三大粒肥美帶子,煎完都仲咁大粒證明係好嘢嚟
果然,食落係超鮮甜嘅帶子甜味,亦唔韌 😍 一啖都咬唔曬嘅大帶子真係好滿足
可惜係煎嘅火候不足,外層做不到焦脆效果,亦缺乏焦香。外層煎得唔夠,亦唔可以有效鎖汁,好可惜!
即管係咁,呢個意粉仍然係令我好驚喜,好推薦大家點嘅食物!!
黑松露野菌意大利飯
$188
21 瀏覽
0 讚好
0 留言
原本預期係creamy嗰種忌廉野菌汁,原來唔係,係深啡色嘅菇汁。
上檯時竟然聞唔到黑松露香,對於一碟有「黑松露」做菜名嘅菜,係一件好出奇嘅事。
先講飯口感,因為佢喺menu講到明佢哋係會做出傳統al dente偏硬嘅口感,仲叫人想淋啲就要落單時講聲。
食落去,確實係微硬帶點嚼勁,勉強都算係al dente的。點解係勉強?因為又未至於真係外熟內生米咁(傳統應該中間硬到有啲生米嘅感覺?)
算係比al dente再淋番少少少少
但係呢種口感先係貼近傳統,又會合香港人口味嘅口感。
黑松露野菌意大利飯
$188
19 瀏覽
0 讚好
0 留言
菇嘅份量非常多,直情啖啖菇!
一入口食到嘅,係濃濃嘅牛肝菌香,反而又唔係好覺黑松露香嘅存在。
醬汁有點太稀,令個飯缺少咗濃稠嘅感覺。
不過上檯時真係超熱,係熱到會辣口嘅程度!真係超新鮮整好就上檯的。
個飯如果正名為「牛肝菌意大利飯」,成件事會貼題好多,因為牛肝菌味真係好濃好濃,而黑松露嘅存在感真係有啲低⋯。
總結,雖然環境有啲窄同嘈,但係裝修幾靚,食物亦係誠意之作,當中嘅香煎帶子寬條麵伴煙紅椒汁真心超推介的!
有時去旺角想食好啲都可以考慮呢度!
下次再嚟試下佢啲cocktail得唔得先~
香煎帶子寬條麵伴煙紅椒汁
$188
20 瀏覽
0 讚好
0 留言
張貼