影片
更多
2021-11-01
115 瀏覽
上星期五晚約咗旺角交收，所以難得地去旺角揾食，見到有間新開嘅墨西哥菜幾盞鬼，就即刻book位try try👅位於唐樓嘅上層，好彩餐廳貼心咁係樓梯大大隻字咁貼咗餐廳名，如果唔係揾到癲都淨係見到一堆時鐘酒店🌞________________________👅Mobin UFO 芝士飛碟包（$105）7.5/10全晚最正同有驚喜嘅係呢兜，一大塊香煎芝士上面加咗舊口感煙韌嘅鮮奶墨西哥包，就咁食舊芝士有啲濟同鹹，但夾埋甜甜地嘅包一齊食真係停唔到口😗不過真 • calories bomb🥲左邊係太陽蛋加煙肉加自家製德國酸菜on bread，mix 埋啲椰菜沙津，酸酸地幾開胃👅15香料燉牛肉炒飯配煎蛋 ($95) 6.8/10朋友話好想試呢個飯，份量嚟講收貨，唔算太辣幾香口，食落似加咗肉鬆同黑豆嘅叉燒炒飯🌚正常發揮，食落無咩驚喜，但都要讚下個飯炒得夠乾身同個流心太陽蛋煎得啱啱好，飽肚之選👍🏻👅粟米番茄燉豬手肉醬烤脆餅($85) 6.9/10肥西出名條脷西，個人仲西，選擇困難只好叫店員推介cracker🧘🏻Tbh食落主要就係普通肉醬味，豬手粒份量唔多，間唔中咬到少少膠質咁啦。店員提我地可以敲碎嚟食，
________________________
👅Mobin UFO 芝士飛碟包（$105）7.5/10
全晚最正同有驚喜嘅係呢兜，一大塊香煎芝士上面加咗舊口感煙韌嘅鮮奶墨西哥包，就咁食舊芝士有啲濟同鹹，但夾埋甜甜地嘅包一齊食真係停唔到口😗不過真 • calories bomb🥲左邊係太陽蛋加煙肉加自家製德國酸菜on bread，mix 埋啲椰菜沙津，酸酸地幾開胃
👅15香料燉牛肉炒飯配煎蛋 ($95) 6.8/10
朋友話好想試呢個飯，份量嚟講收貨，唔算太辣幾香口，食落似加咗肉鬆同黑豆嘅叉燒炒飯🌚正常發揮，食落無咩驚喜，但都要讚下個飯炒得夠乾身同個流心太陽蛋煎得啱啱好，飽肚之選👍🏻
👅粟米番茄燉豬手肉醬烤脆餅($85) 6.9/10
肥西出名條脷西，個人仲西，選擇困難只好叫店員推介cracker🧘🏻Tbh食落主要就係普通肉醬味，豬手粒份量唔多，間唔中咬到少少膠質咁啦。店員提我地可以敲碎嚟食，塊餅夠脆，夾埋啲料食都香口嘅，不過會食到有啲論盡(有機會係我問題….）
👅墨西哥香烤雞翼 ($78) 6.8/10
六隻中size 雞翼，request 咗要辣啲但都唔係好辣😌食落就係蜜糖雞翼+ cajun粉嘅味，唔會出錯嘅combo，味道中規中矩，但中間個堆自家制椰菜絲沙律依舊好吃🥗
👅Maria Margarita Classic ($75) 6.4/10
秉承住西脷嘅傳統，肥西去到邊都會有酒精👍🏻呢到嘅cocktail算平，味道就正常啦，全部偏易入口，所以滿足唔到酒鬼我🤡 tequila + lime + Cointreau : 偏甜，好彩杯邊有海鹽吊一吊陣酒味，幾fresh，啱夏天食嘢前飲返幾啖🧊
👅Tom Collins ($75) 6.2/10
Gin + lemon juice + sparkling water 飲落係檸檬茶味，冇酒味，打卡幾好，就係咁🌞
_______________________
呢到裝修係復古輕工業風，座位寬敞，空間夠，個晚肥西坐沙發位，傾計好舒服，但食嘢就有少少唔方便。要讚一讚呢到服務好好，雖然食物選擇唔多，但店員都好熱情咁向我哋介紹，而且個晚肥西嘅朋友OT遲大到，本身就九十分鐘用餐時間，但餐廳話之後嘅timeslot 都冇客，好nice 咁畀我地由七點幾坐到收舖🥺
講返嘢食就不嬲對fusion嘢不抱大期望，呢到食物表現都合格嘅，有興趣可以試試，不過only by reservation，記住上網/打電話book咗枱先好上嚟啦～
Mobin UFO 芝士飛碟包
$105
9 瀏覽
0 讚好
0 留言
15香料燉牛肉炒飯配煎蛋
$95
17 瀏覽
0 讚好
0 留言
墨西哥香烤雞翼
$78
14 瀏覽
0 讚好
0 留言
粟米番茄燉豬手肉醬烤脆餅
$85
9 瀏覽
0 讚好
0 留言
Maria Margarita Classic
$75
2 瀏覽
0 讚好
0 留言
Tom Collins
$75
11 瀏覽
0 讚好
0 留言
張貼
