深宵食堂

營業中

休息中

同朋友去左呢間餐廳食日本串燒。餐廳好多日式佈置，我哋坐左係figures前面既位置。叫左兩個主食，一d小食同串燒。柚子汁凍豆腐 $48作為前菜呢道都算幾好，柚子汁酸酸甜甜好開胃，個沙律菜同埋滑豆腐，食落口感好清新。芥末和風炸雞 $48炸雞外脆內軟，點埋芥末幾好食。魷魚大板燒 $42份量岩岩好唔會太多，魷魚同木魚味道幾夾。京蔥牛舌飯 $52個燒幾惹味，牛舌好香。豚肉露筍卷 $38 燒烤味濃厚，豚肉燒到好香，露筍就清甜好食。豚肉葡萄串 $38葡萄燒完仲有汁，食出果香。豚肉好食。鹽燒秋葵 $28秋葵配木魚同燒汁，味道好岩。蟹肉海膽炒飯 $88足料抵食，海膽蟹籽新鮮，多蟹肉。芝士年糕 $38質感柔軟，芝士滑身，好食。