十六座車仔麵 (已結業)

米線魚蛋河車仔麵呢啲都係唔少人晏晝會食嘅嘢，所以旺角都開咗好多間，幾年前試過十六座車仔麵，覺得麵底幾有特色、餸菜都唔錯，呢日就諗住重溫下😋因為正值1:00放飯，所以樓上樓下都好多人，完全係做到冇停手，而家QR code落單就唔洗再麻煩職員，喺呢類型餐廳噉做係幾好🙈我揀咗慢煮牛脷+蘿蔔+醉雞卷配豬骨湯紅薯粉($46)😝餸菜每樣都有3、4舊，算係標準份量，紅薯粉唔建議扣底(除非減肥😂)因為唔係特別多，大食少少/肚餓少少都可能要加餸🥹牛脷軟淋得嚟中間有啲彈，蘿蔔夠淋夠入味，雞卷亦都食得出陣陣酒味，但有舊好大部份都係雞皮，以一份肉嚟講就唔太抵食($13)😗另一碗係米粉配蕃茄湯底，相對之下就好似豐富好多，因為真係有唔少蕃茄碎喺面，而且餐廳選用新竹米粉，正中我哋口味😆上面嗰兩粒芥末貢丸($8)，比起正常貢丸冇咁肥膩，平時亦都少食到，鍾意芥末味嘅不妨試試🤣不過職員真係太忙，食物嚟到之後叫咗好多次都唔記得比可樂我哋，但就比咗隔離枱🥲