影片
更多
2024-10-14
346 瀏覽
Luna Kaffe📍旺角通菜街25號地舖放工又約咗朋友去旺角搵食，今次早早預約好去前上司介紹嘅Luna Kaffe食晚餐。佢非常推介Luna出品嘅Beef Wellington，話算係佢喺香港食過數一數二、性價比高嘅選擇。見佢咁滿意，我都特登約朋友嚟，睇下係咪真係值得咁高評價。 💰$88白布烏冬配香烤油封鴨脾 🍜🦆估唔到一心嚟係食西餐，居然發現近排餐廳主打白布烏冬，喺西式cafe食日式美食，居然無太大違和感！我同朋友都未食過白布烏冬，所以無辦法評價佢正宗與否，但以CP值嚟講，呢個烏冬算好抵食。西餐廳食油封鴨脾，無一百幾十都落唔到樓，仲要多數配薯菜，唔算飽肚。呢個套餐除咗有隻烤得非常靚仔嘅油封鴨脾外，仲配有滑溜溜嘅白布烏冬，用托盤上菜更顯和風，頗有特色。烏冬set配有昆布湯同芝麻醬兩款沾汁，隨個人口味冷沾，因白布烏冬有薄、闊嘅特色，所以份外掛汁，入口順滑，好味道。 💰$128黃金脆香雞堡伴薯條 🍔🍟另一主食揀咗黃金脆香雞堡伴薯條，隻碟有幾大，塊雞扒就有幾大，稱佢為巨無霸雞堡都不為過！漢堡包鬆軟香脆，兩邊都有塗牛油煎香，芝麻粒亦增加口感、香氣，唔錯！主角無骨大雞扒肉質滑嫩，面衣炸至金金黃
📍旺角通菜街25號地舖
放工又約咗朋友去旺角搵食，今次早早預約好去前上司介紹嘅Luna Kaffe食晚餐。佢非常推介Luna出品嘅Beef Wellington，話算係佢喺香港食過數一數二、性價比高嘅選擇。見佢咁滿意，我都特登約朋友嚟，睇下係咪真係值得咁高評價。
[價錢 Price]
💰$88
白布烏冬配香烤油封鴨脾 🍜🦆
估唔到一心嚟係食西餐，居然發現近排餐廳主打白布烏冬，喺西式cafe食日式美食，居然無太大違和感！我同朋友都未食過白布烏冬，所以無辦法評價佢正宗與否，但以CP值嚟講，呢個烏冬算好抵食。
西餐廳食油封鴨脾，無一百幾十都落唔到樓，仲要多數配薯菜，唔算飽肚。呢個套餐除咗有隻烤得非常靚仔嘅油封鴨脾外，仲配有滑溜溜嘅白布烏冬，用托盤上菜更顯和風，頗有特色。烏冬set配有昆布湯同芝麻醬兩款沾汁，隨個人口味冷沾，因白布烏冬有薄、闊嘅特色，所以份外掛汁，入口順滑，好味道。
[價錢 Price]
💰$128
黃金脆香雞堡伴薯條 🍔🍟
另一主食揀咗黃金脆香雞堡伴薯條，隻碟有幾大，塊雞扒就有幾大，稱佢為巨無霸雞堡都不為過！漢堡包鬆軟香脆，兩邊都有塗牛油煎香，芝麻粒亦增加口感、香氣，唔錯！主角無骨大雞扒肉質滑嫩，面衣炸至金金黃黃，啖啖肉，勁滿足！
炸薯條同樣炸得脆口，唔會過乾過硬，配千島醬食，正！
[價錢 Price]
💰$38
芝士煙肉焗薯皮 🥔
Luna有一系列小食供以選擇，全部都可以用較親民嘅價錢加配，認真抵食。朋友揀咗好邪惡嘅芝士煙肉焗薯皮。上檯熱辣辣，表面鋪滿芝士，賣相好吸引。薯皮口感香口微脆，芝士煙肉內餡味道濃烈，焗薯口感適宜，份量唔算大但絕對值得一試！
[價錢 Price]
💰$28
焦糖燉蛋 🍮
我哋亦用$28加咗個Crème Brûlée，味道驚喜非常。焦糖面燒得香脆，燉蛋口感細密幼滑，軟硬度適中，份量比預期大，推介大家加配試試！
[價錢 Price]
💰$48
Yakult 🥛
以益力多調製嘅Yakult smoothie冰爽滋味，夏日炎炎最啱飲！
[價錢 Price]
💰$48
Sky Blue 🍹
搶眼嘅藍色由blue curaçao同grapefruit混會而成，smoothie味道帶酸甜，清新之餘好涼快，食炸物後飲特別過癮！
張貼
