2派克雞排

營業中

休息中

好耐之前已經介紹過二派克，佢嘅炸雞真心好高質！呢排喺旺角咁岩見到佢開咗間新分店，都有幾多人幫襯，見好耐都無幫襯過佢，忍唔住買咗幾份小食翻屋企食。🍗脆皮無骨雞腿排 配海苔、原味（椒鹽粉）第一次喺二派克叫無骨雞腿排，佢啲份量都係好大份，個size仲大過隻手掌；雞腿肉非常厚實，肉質鮮嫩多汁，平時好驚食炸雞會太乾，呢間嘅炸雞完全無呢個問題。🍄脆皮杏鮑菇 配芥末、海苔粉每次去二派克我都會叫脆皮杏鮑菇，佢嘅size依然都係咁大件，外皮香脆，又唔會太厚，入面舊菇Q彈多汁，一定要趁熱食，凍咗外面層皮變淋咗會無咁好食。🍢甜不辣 配芝士、梅子粉甜不辣係台灣夜市必食嘅小食，見到有得食梗係即刻叫黎食下；甜不辣口感酥脆，內裡嘅魚肉口感好Q彈，煙煙韌韌，加埋酸酸甜甜嘅梅子粉，愈食愈開胃。