影片
更多
2022-07-13
391 瀏覽
話說MM爸中咗頭獎 - 小M派到第一志願嘅小學，佢終於放下心頭大石。MM爸忐忑左兩年😆，派彩後佢鬆一口氣話要慶祝一下 - 嗱佢又搵到藉口食餐好😛我哋去咗旺角朗豪坊頂層嘅德國🇩🇪啤酒餐廳食大餐。MM爸曾經同佢大學莊友7哥食過，覺得可以encore😋。MM爸俾定心理準備我話呢度食物份量非常大😆。一坐低，首先吸引我眼球嘅係張墊枱紙，上面寫著”Traceable”, “Top Quality”, “Sustainable Products”。呢排MM爸成日同我講Sustainability，所以我都有用心睇吓張墊枱紙 - 紙上提到餐廳一直與一群來自奧地利南部嘅農民緊密合作，大家共同既目標係生產及使用符合質量、理解、欣賞和尊重環境等原素嘅食材。睇完餐廳呢張紙上餐廳嘅理念，心裡暗暗加分😬我哋點咗個精選餐單🔽💟前菜：🔅原生種蕃茄沙律 - Assorted Heirloom Tomatoes Salad ，蕃茄沙律🥗非常新鮮，味道濃厚。🔆烤牛骨髓 - Roasted Bone Marrow，蕉媽記得細個時爸爸成日點骨髓炒三鮮，所以一見到骨髓立即點。其實第一次食牛骨髓，上碟時見到咁大條牛骨髓都呆咗一下
我哋去咗旺角朗豪坊頂層嘅德國🇩🇪啤酒餐廳食大餐。MM爸曾經同佢大學莊友7哥食過，覺得可以encore😋。MM爸俾定心理準備我話呢度食物份量非常大😆。
一坐低，首先吸引我眼球嘅係張墊枱紙，上面寫著”Traceable”, “Top Quality”, “Sustainable Products”。呢排MM爸成日同我講Sustainability，所以我都有用心睇吓張墊枱紙 - 紙上提到餐廳一直與一群來自奧地利南部嘅農民緊密合作，大家共同既目標係生產及使用符合質量、理解、欣賞和尊重環境等原素嘅食材。睇完餐廳呢張紙上餐廳嘅理念，心裡暗暗加分😬
我哋點咗個精選餐單🔽
💟前菜：
🔅原生種蕃茄沙律 - Assorted Heirloom Tomatoes Salad ，蕃茄沙律🥗非常新鮮，味道濃厚。
🔆烤牛骨髓 - Roasted Bone Marrow，蕉媽記得細個時爸爸成日點骨髓炒三鮮，所以一見到骨髓立即點。其實第一次食牛骨髓，上碟時見到咁大條牛骨髓都呆咗一下。牛骨髓賣相一流，在此讚一讚大廚嘅心思，骨髓味道香濃入味，搭配薯蓉🥔一齊食，你會唔小心食多咗😆
🔆德式香腸 - Nurnberger 來到德國餐廳必吃美食，蕉媽未去過德國，不過有一個要好嘅德國🇩🇪朋友，佢話德國人真係無腸不歡的。作為一種食物，德國香腸居然有1500多種。紐約堡香腸係紐約堡最有名的小吃，據講係因為16世紀末，紐約堡人因為傳統的煎香腸價格過於昂貴而發明呢種小型香腸。
我哋食呢份紐約堡香腸有6條香腸，傳統食法係搭配酸菜/薯仔沙律一齊食。酸菜嘅味道中和鹹香嘅香腸😋，食埋呢碟前菜我哋已經飽咗😆，大件事，仲未食到主菜
💟主菜：
🔆牛脂熟成黑安格斯肉眼扒 - House Fat Aged Bone-in Black Angus Rib Eye
見到主菜肉眼扒又O咗咀，好大塊肉眼扒😆，忍唔住打卡。對上一次見咁大塊牛扒已經喺10年前紐約嘅某間扒店（果陣MM爸去出差，蕉媽進修）。外國人食扒確實係食咁大塊的，餐廳跟足正宗，俾咁大塊肉眼扒食客品嘗，落足本。MM爸品評▶️咁大塊肉眼扒大廚👨🍳🧑🍳都燒得恰到好處，控制到火候，燒到我哋要求嘅熟成，同時保持肉質鮮嫩。不過我哋要留返少少位食埋甜品，所以食唔晒成塊扒，對大廚都感到有啲內疚🫢
💟甜品：
🔆焗芝士🧀檸檬撻 - 芝士檸檬🍋撻同樣出色，芝士和檸檬互相交融，為呢頓飯做一個完美嘅句號。
💟餐廳環境🍽寬敞舒適，窒外燈光調暗，氣氛浪漫。除了適合情侶撐枱腳🍷，亦適合三五知己暢飯談歡。
服務員態度殷勤，值得加分👍🏻✅
❤️整體來講係一個高CP值嘅套餐❤️
Beerliner German Bar & Restaurant (朗豪坊) (旺角)
旺角亞皆老街8號朗豪坊13樓05號舖
20 瀏覽
0 讚好
0 留言
牛骨
$1100
22 瀏覽
0 讚好
0 留言
原生蕃茄沙律
17 瀏覽
0 讚好
0 留言
德國紐倫堡腸
14 瀏覽
0 讚好
0 留言
張貼
