第八站咖啡廳 (已搬遷) 新店位置

同朋友喺旺角行住街之後，經過金雞廣場見到有水牌推介食扒的咖啡廳，見到啲相都非常吸引，同朋友就諗住入去試一試。入到餐廳見到佢嘅裝飾都好唯美，非常有氣氛！今次我哋就叫咗一個黑毛豬扒和帶子惹菌飯！黑毛豬柳扒都好大塊，另外仲配有薯仔和沙律菜，套餐仲有包一個湯同埋餐包，整體嘅套餐都非常抵食和豐富！黑毛豬柳扒嘅質素都好高，咬落去嘅豬柳扒非常彈牙，肉質亦都好嫩滑！帶子野菌飯嘅份量都好多，佢嘅飯嘅感覺有啲似意大利飯，非常入味，而且飯嘅質地煮到剛剛好！帶子亦都非常肥美😚佢哋嗰日嘅餐湯係忌廉湯，非常creamy！餐包加埋湯一齊食亦都非常之夾！