泰廚泰國菜館

營業中

休息中

九龍城就話有好多好好味好出名嘅泰國菜餐廳 但係原來旺角都有一間唔錯 都幾多人慕名而來嘅泰國菜館！今日同朋友嚟咗旺角嘅泰廚泰國菜館食午餐，一人叫左一個lunch set! 就叫咗個泰式火車頭炒飯配紅豆冰，有就叫咗個泰式手撕雞配油飯再加個青檸冰！！你仲叫咗個咖喱炒青口同炸蝦餅首先要讚嘅就係兩個飯都好足料！我地再叫多兩個餸真係完全食唔哂，要打包！手撕雞飯有好多手撕雞，油飯仲要好香好吸引！旁邊仲有啲酸蘿蔔絲可以開下胃口！我嘅火車頭炒飯都好足料！有好多雞肉、蕃茄同菜，健康得來又好好味，加上特別調配嘅醬汁，炒真係好香，食唔停！紅豆冰入邊都有好多紅豆，因為我好鍾意畢啲紅豆嚟食所以好滿足！咖喱炒青口入邊嘅青口好大隻，仲有一啲青椒！青口食落去冇雪味，其實佢啲咖喱汁仲可以撈飯添！炸蝦球都好抵食，係即炸既！超香超脆，仲有成六粒咁多！如果多人啲share 就好似冇咁熱氣啦！總括而言，旺角呢間泰泰廚國菜館絕對媲美九龍城嘅泰國菜館，唔使特登兜去九龍城就有得食咁好味嘅泰國菜，真係好幸福！