影片
更多
2021-10-22
24 瀏覽
估唔到女人街有間性價比咁高嘅餐廳，唔係朋友介紹真係唔知，因為之前成日中伏我就好少再喺女人街食飯......首先嚟嘅喺熱檸蜜，呢杯熱檸蜜值得為佢影張相，因為好好飲！🙈 佢個甜味同檸檬比例啱啱好，好似當年幽默大師咁講，「飲落喉嚨好舒服」😎 熱辣辣嘅蒜蓉包同餐湯都係中上水準，食到呢度我就覺得呢間係有心機嘅餐廳。美國安格斯牛小排有驚喜！之前喺某西餐食過一碟三百幾蚊但好普通嘅牛扒，呢度只係一半價錢但好味啲！牛小排煎到5成熟，切開粉嫩又juicy，燒汁夾得嚟唔會搶咗牛香味，旁邊嘅茄子、翠玉瓜、雞髀菇同加咗柚子醋嘅沙律都幾好食。當然如果牛扒煎得再香啲就好啦，但呢個價錢我已經滿意喇，唔可以用高級餐廳嚟比～西班牙風乾火腿薄餅芝士拉絲，一拎上手係熱到辣手嫁，一共六塊，最啱成班fd嗌嚟share。雖然唔係我鍾意嘅厚批，但佢薄得嚟都有啲嚼勁，大量芝士落得唔手軟，唯獨係佢揀嘅Parma Ham鹹咗少少。下次嚟我會試吓意粉，見到隔離枱好似好好食😋伯爵茶奶凍．焦糖脆脆．雪糕餐廳招牌甜品，其實幾特別，可惜奶凍質地同雲呢嗱雪糕就唔係我鍾意嘅味，我最欣賞反而係粒焦糖脆脆。呢度優點係食物大部分都好食，性價比高，但缺點係上菜
估唔到女人街有間性價比咁高嘅餐廳，唔係朋友介紹真係唔知，因為之前成日中伏我就好少再喺女人街食飯......
首先嚟嘅喺熱檸蜜，呢杯熱檸蜜值得為佢影張相，因為好好飲！🙈 佢個甜味同檸檬比例啱啱好，好似當年幽默大師咁講，「飲落喉嚨好舒服」😎 熱辣辣嘅蒜蓉包同餐湯都係中上水準，食到呢度我就覺得呢間係有心機嘅餐廳。
美國安格斯牛小排
有驚喜！之前喺某西餐食過一碟三百幾蚊但好普通嘅牛扒，呢度只係一半價錢但好味啲！牛小排煎到5成熟，切開粉嫩又juicy，燒汁夾得嚟唔會搶咗牛香味，旁邊嘅茄子、翠玉瓜、雞髀菇同加咗柚子醋嘅沙律都幾好食。當然如果牛扒煎得再香啲就好啦，但呢個價錢我已經滿意喇，唔可以用高級餐廳嚟比～
西班牙風乾火腿薄餅
芝士拉絲，一拎上手係熱到辣手嫁，一共六塊，最啱成班fd嗌嚟share。雖然唔係我鍾意嘅厚批，但佢薄得嚟都有啲嚼勁，大量芝士落得唔手軟，唯獨係佢揀嘅Parma Ham鹹咗少少。下次嚟我會試吓意粉，見到隔離枱好似好好食😋
伯爵茶奶凍．焦糖脆脆．雪糕
餐廳招牌甜品，其實幾特別，可惜奶凍質地同雲呢嗱雪糕就唔係我鍾意嘅味，我最欣賞反而係粒焦糖脆脆。
呢度優點係食物大部分都好食，性價比高，但缺點係上菜偏慢，相信係因為餐廳滿晒座。我去嗰日係個週五晚，非常之多人，我喺門口等咗好耐先有位，下次再去我一定會醒目book定位先，而且揀返平日。💨
張貼
