第三站

之前同朋友嚟過呢間樓上café，個體驗好好，坐得舒服、食物唔錯兼且有得玩boardgame，所以今日又嚟幫襯吓。黑松露帶子鮮菌燴意大利飯飯粒軟硬度適中，每一啖香濃嘅忌廉黑松露醬；帶子同菇菇嘅份量都唔少，成個飯好creamy，黑松露迷必點。煙三文魚忌廉番茄醬扁意粉啲煙三文魚砌到玫瑰花噉，擺盤有心思；忌廉番茄醬酸酸甜甜，扁意粉好掛汁，食落幾惹味。蜜糖雞翼一上檯已經聞到香噴噴，食落熱焫焫，甜甜地醃得好入味。紐約芝士蛋糕芝士香滑，跟餐連埋沙律先加$38，抵食。金桔青檸（熱）、沙律可人兒（洋甘菊、歐薄荷、杞子、桂圓肉）有助改善失眠，有養肝明目同幫助消化嘅作用，味道清甜。