申子居酒屋

營業中

休息中

多次到訪依間人氣居酒屋，每次都食得好滿足💕 樓高兩層，下層係廚房及有少量bar枱位，上層為主要用餐區。裝修簡約，以水泥色調為主，燈光昏暗，周圍擺滿裝飾及清酒樽，好有氣氛～❀ 壽司定食配烏冬 🍣依款定食有六款壽司及一款刺身，仲包埋一碗烏冬、前菜及麵豉湯，好豐富呢～壽司有海膽、三文魚籽、甜蝦、帶子、吞拿魚及深海池魚，而刺身就有兩片三文魚，每款都好新鮮，而且仲係用赤醋飯😍 當中最鍾意食甜蝦、帶子及三文魚，甜蝦鮮甜又大隻，帶子及三文魚都厚切肥美。烏冬食落都幾彈牙，湯底好鮮味，味道唔錯❀ 網燒西冷牛扒丼 🐮牛扒燒得啱啱好，中間帶點粉嫩，肉質鮮嫩多汁，牛味都幾濃～最驚喜係配菜下有一粒生雞蛋，撈埋醬汁及飯食好惹味！依款都包埋前菜及麵豉湯，前菜有醃牛蒡及用帶子、三文魚籽、青瓜及昆布整既沙律，酸甜開胃❀ 蓬鬆玉子 🍳雞蛋卷上有沙律醬、燒汁及蔥花，賣相吸引！蛋卷呈半熟狀態，口感好嫩滑，切開仲有拉絲芝士及蛋汁，口感好豐富，而且唔會膩，食得好滿足🥰 ❀ 極上塩燒牛舌芯 👅平時好少見有牛舌芯，佢係牛舌中最軟嫩既位置～食落比一般牛舌既牛味更濃，油脂更豐富。口感爽脆內嫩，仲可以蘸鹽、柚子蓉及檸檬汁，簡單調味已經好好