Ann MaMa Thai Restaurant

營業中

休息中

自己本身都幾鍾意食泰國嘢，因為佢呢調味好惹味，就算日日食都唔會覺得悶，旺角啱啱幾個月前就開咗一間都幾好食嘅泰式餐廳，超級推介👍 嚟到嘅時候都差唔多滿座，相信因為呢度啲嘢食非常吸引🤗 今次試咗佢嘅午市套餐，價錢都非常合理，包括主食同飲品，仲可以以優惠價加配小食添🤭路邊雞翼 🐥 小食就試咗佢嘅雞翼，新鮮炸出嚟好香口，仲有甜酸醬俾你點添🤤 黑椒粟米餅 🌽 呢個幾特別，炸粟米餅真係咬落好好脆，仲見到粒粒粟米添🤣 不過唔使太擔心，黑椒味唔係太重嘅😌黃咖哩牛腩飯 🍛 食泰國嘢當然一定要食咖喱啦，呢個黃咖喱有少少辣，不過超級好食，咖喱牛腩飯冇得頂😆海蝦炒金邊粉 🍝而當然泰國金邊粉就一定要試，因為呢個係每次食泰國嘢嘅必點之一，好鍾意配埋花生粒同埋青檸一齊食😍青檸梳打 🍹泰式飲品比較特別嘅都一定係青檸梳打，甜甜地酸酸地更加開胃😉泰式凍檸茶 🍋 呢個就真係平時喺餐廳比較少見到有，呢個我都會推介，因為泰式嘅凍奶茶同平時港式凍奶茶係有少少唔同嘅，未試過一定要試😛