鷹巢

營業中

休息中

某日聽朋友講起以前係中環希爾頓酒店既中菜(鷹巢)開返喺旺角豉油街希爾頓花園洒店內，闊別多年，必定要去捧場飲下茶試下呢! 這座酒店地段不佳，位置比較僻靜難搵。不過上到去餐廳見到有落地大玻璃，光線充足令人感覺舒服，但可能陽光太充足既關係所以冷氣開盡都不夠涼。水晶鮮蝦餃，蝦肉新鮮，但唔大隻。黑松露素菜餃，有好香既黑松露味。金牌叉燒王，肥瘦適中，外層香脆，肉質夠冧，但醬汁稍甜。而且佢有黃豆伴碟，係以前高級洒樓叫燒味才有㗎！豆肉煙韌帶蜜糖味好好食。