影片
更多
2015-05-31
617 瀏覽
喺旺角行街行到攰攰到，想搵個又靜又舒服嘅地方休息吓、食吓嘢。點知喺貼近旺角外圍嘅黑布街見到Next Station Dessert，聽聞甜品由前五星級大酒店甜品師傅主理，加上價錢又合理，於是同朋友決定試一試。入到店內，暗黃燈光，木製檯櫈，同室外嘅強烈光線成180度對比，令我即時感到輕鬆、舒服，成個人鬆晒。原來店舖都好大，除咗門口入嚟嗰到有40-50個位，原來店後面，仲有30個位，而且仲比前面更清靜、更暗。不過比我揀，我寧願坐後面嘅位置，絶對係同朋友促膝談心嘅好地方。坐定定，已送上一杯水，俾我定一定神，抖抖氣，先至慢慢揀心水甜品。MEUN內有嘅甜品，其實同門口塊介紹牌差不多，不過就會更詳細介紹甜品嘅材料。今日，我肚空空，一於就豪D，我獨自點咗2款甜品，應該都食得晒呱。第一個：鳥結糖芭菲 Nougat Parfait我自己好鍾意個外型，好GRAND，而且似鳥展翅開飛嘅感覺。呢個"鳥結糖"，唔同平時食嘅鳥結糖，佢偏向杏仁味；但質感明顯地滑溜，放入口後，佢喺唔停喺口，會即時瀡落喉嚨。"鳥結糖"好實淨，可以慢慢食都無有怕。第二個： Black Pepper Chocolate Molten Ca
入到店內，暗黃燈光，木製檯櫈，同室外嘅強烈光線成180度對比，令我即時感到輕鬆、舒服，成個人鬆晒。
原來店舖都好大，除咗門口入嚟嗰到有40-50個位，原來店後面，仲有30個位，而且仲比前面更清靜、更暗。不過比我揀，我寧願坐後面嘅位置，絶對係同朋友促膝談心嘅好地方。
坐定定，已送上一杯水，俾我定一定神，抖抖氣，先至慢慢揀心水甜品。MEUN內有嘅甜品，其實同門口塊介紹牌差不多，不過就會更詳細介紹甜品嘅材料。
今日，我肚空空，一於就豪D，我獨自點咗2款甜品，應該都食得晒呱。
第一個：鳥結糖芭菲 Nougat Parfait
鳥結糖芭菲 Nougat Parfait
50 瀏覽
0 讚好
0 留言
呢個"鳥結糖"，唔同平時食嘅鳥結糖，佢偏向杏仁味；但質感明顯地滑溜，放入口後，佢喺唔停喺口，會即時瀡落喉嚨。
"鳥結糖"好實淨，可以慢慢食都無有怕。第二個： Black Pepper Chocolate Molten Cake served with Vanilla Ice-Cream
黑胡椒心太軟配雲呢拿雪糕
26 瀏覽
0 讚好
0 留言
黑胡椒心太軟係中間嘅朱古力醬加上黑胡椒粉，兩者配搭得好好，唔會好辣，亦唔會好甜，令我食得好舒服。
而且心太軟嘅溫度啱啱好，令我食嘅時候唔會因為溫度高，感覺到"辣"親咀仔，亦唔會令黑胡椒辣到搶咗朱古力味。仲有個雪糕球係超凍、超硬淨，可以俾我先食完個心太軟，之後用剩餘嘅嘅黑胡椒朱古力醬配上雲呢拿雪糕慢慢食，超爽耶！
我同朋友都幾滿意今次嘅甜品同埋環境，唔止甜品賣相、口感好正，仲可以坐幾耐，吹幾耐水都得，真係一個可以落腳嘅好地方。
張貼
