沙嗲王 (已結業)

黎到星期六周圍行，見有啲肚餓，友人提議去食沙嗲王。反正已經好耐無食，ok喎。仲以為有下午茶，我地遲左小小，佢地下午茶5點完呢。。。好快我就決定要肥牛，可以自選湯同麵底。我要左白咖哩讚岐烏冬，友人要咗黑椒雞扒拉麵要沙嗲湯。我地都覺得沙嗲湯底較好，味道濃厚啲，唔會好辣，而且亦較結身。拉麵唔多似日本個種拉麵，比較似上海麵。而白咖哩似乎稀左啲，白咖哩唔夠結身，味道淨咗啲，烏冬都ok，肥牛好味。整體一般，無以前好味啦。。我地正要點餐嘅時候，幫我地落單嘅職員同另外一個職員傾傾下走左去，原因因爲身上有粒飯，我地都呆左，我地當時已經係點緊，指緊餐牌，完全係hea到爆。。。態度唔得！