品越越式料理 (雅蘭中心) (已結業)

平日夜晚2個人食，本身諗住便飯一餐，無特別影相。唔使等位，兩個人坐細枱，環境尚算舒服好坐，但有少少臭味，好似係啲酸嘢擺左好耐嘅味咁，但OK啦，好阿Q咁諗住食完閃。叫左個二人餐，據我記憶係 豬扒沙律 》豬頸肉米紙卷》串燒拼盤》炒金邊粉》甜品（椰汁芒果黑糯米）》茉莉花蜜兩杯。呢間嘢食物質素麻麻地，豬扒沙律，豬扒係好食嘅，但個沙律係平時伴碟個啲椰菜絲咁，加粒蕃茄仔，如果以「沙律」黎講真係無乜誠意.. 炒金邊粉上菜只係暖暖地，有兩隻蝦混入面入面，無乜其他餸，甜品係比較有驚喜，算係好食。有一樣嘢要讚嘅係職員態度好好，有換碟、斟水、問我地好唔好食，所以拉番少少分。埋單加一要＄190一個人，以咁既食物質素其實唔多值，講真丫，而家咁多越式餐廳，平過佢、好食過佢既真係大把.. 我諗都真係要努力啲先得。