影片
更多
2023-09-26
57 瀏覽
大本瀛日式放題旺角西洋菜街1號兆萬中心10樓全層好耐冇食過放題，記得以前係兆萬中心有一間好好食，啤酒任飲，刺身又好食嘅放題，但已經唔記得咗幾多樓，今日屋企人生日，一家四口去到兆萬，原來幾層樓都係做放題，咁我哋就睇相片，上到10樓食呢間大本瀛。一入到去感覺好殘舊，星期日下午居然冇乜客人，其實都有少少想走，但係婆婆已經拖呀女入咗去，原來全間舖子有一張bb櫈，仲要好污糟，都明白嘅，應該好少人帶小朋友嚟食放題？刺身嚟到都算唔錯好大盤，有五六樣刺身，但其他熟食就真係好一般，上得最快係壽司同麵，每張紙我哋都剔咗少少，但好耐都未見上枱，有啲嘢食已經食完，我哋想再叫，所以再入紙啦點知職員話唔收，佢話因為我哋張枱冇位，唔會畀我哋再入紙，其實我哋只係嚟咗好少嘢食，除左刺身，全部都係麵同壽司，唔係我哋亂咁叫叫得多，係佢啲碟大。。。。唔食曬又唔收，講到好似我哋浪費食物咁 。。即係我哋唔食曬啲壽司同麵，就唔會上其他小食畀我哋？🫠🫠而家食放題係咁樣嘅咩。。。？另外，洗手間只有兩格，好窄好迫，唔係太整潔，我地都唔會再去呢度食放題
旺角西洋菜街1號兆萬中心10樓全層
好耐冇食過放題，記得以前係兆萬中心有一間好好食，啤酒任飲，刺身又好食嘅放題，但已經唔記得咗幾多樓，
今日屋企人生日，一家四口去到兆萬，原來幾層樓都係做放題，咁我哋就睇相片，上到10樓食呢間大本瀛。
一入到去感覺好殘舊，星期日下午居然冇乜客人，其實都有少少想走，但係婆婆已經拖呀女入咗去，原來全間舖子有一張bb櫈，仲要好污糟，都明白嘅，應該好少人帶小朋友嚟食放題？
刺身嚟到都算唔錯好大盤，有五六樣刺身，但其他熟食就真係好一般，上得最快係壽司同麵，每張紙我哋都剔咗少少，但好耐都未見上枱，有啲嘢食已經食完，我哋想再叫，所以再入紙啦
點知職員話唔收，佢話因為我哋張枱冇位，唔會畀我哋再入紙，其實我哋只係嚟咗好少嘢食，除左刺身，全部都係麵同壽司，唔係我哋亂咁叫叫得多，係佢啲碟大。。。。唔食曬又唔收，講到好似我哋浪費食物咁 。。
即係我哋唔食曬啲壽司同麵，就唔會上其他小食畀我哋？🫠🫠而家食放題係咁樣嘅咩。。。？
另外，洗手間只有兩格，好窄好迫，唔係太整潔，我地都唔會再去呢度食放題
張貼
