影片
更多
2023-09-01
614 瀏覽
紅豆烘焙應該係除左嘉多娜之外都幾hit嘅一間布甸包烘焙店 佢嘅格局就係出面兩個展示櫃一邊係冷藏 一邊係熱爐 冷藏個邊好多款蛋糕同雪米糍 熱爐個邊就係布甸包同麻薯！再入去就係D老式麵包 口味來講佢多過嘉多娜 所以都吸引幾多人去買！🍩芋泥麻薯💰18講左麻薯先 個人唔係好鍾意麻薯但係呢隻係芋泥同埋都幾大個 皮都幾煙韌 好有咬口 但係咬到入面就覺得唔妥 芋泥竟然有陣榴槤味 跟著睇返佢仲有賣榴槤麻薯 應該係溝埋左兩隻味...但係芋泥質地打得比較稀 稀得來又可以食到D芋頭粒粒 呢隻口感都可以（如果冇榴槤味就好🥲🥞芝士麻糬布甸包💰18呢個好明顯分左上下層 上面係凝固嘅一層芝士體 下面就係會流心嘅芝士層 最上面有巴斯克蛋糕嘅感覺都ok 但係下面本身creamcheese陣味已經好夠 加埋麻薯嘅口感好怪 個人覺得麻薯反而係呢度拖左後腳🥞楊枝甘露布甸包💰18🥞培茶布甸包💰20呢個培茶真係好大個 噴水叮熱返之後個法包皮都容易咬 跟著一咬開培茶個口就即刻見到流心入面duangduang咁郁 培茶味都好濃郁 但係入面茶葉顆粒實在佔比太多 搞到口感有D粗糙 所以食得比較膩😞🥧麻糬蛋撻💰16麻糬蛋撻兩樣嘢都特別吸引
紅豆烘焙應該係除左嘉多娜之外都幾hit嘅一間布甸包烘焙店 佢嘅格局就係出面兩個展示櫃一邊係冷藏 一邊係熱爐 冷藏個邊好多款蛋糕同雪米糍 熱爐個邊就係布甸包同麻薯！再入去就係D老式麵包 口味來講佢多過嘉多娜 所以都吸引幾多人去買！
🍩芋泥麻薯
💰18
講左麻薯先 個人唔係好鍾意麻薯但係呢隻係芋泥同埋都幾大個 皮都幾煙韌 好有咬口 但係咬到入面就覺得唔妥 芋泥竟然有陣榴槤味 跟著睇返佢仲有賣榴槤麻薯 應該係溝埋左兩隻味...但係芋泥質地打得比較稀 稀得來又可以食到D芋頭粒粒 呢隻口感都可以（如果冇榴槤味就好🥲
🥞芝士麻糬布甸包
💰18
呢個好明顯分左上下層 上面係凝固嘅一層芝士體 下面就係會流心嘅芝士層 最上面有巴斯克蛋糕嘅感覺都ok 但係下面本身creamcheese陣味已經好夠 加埋麻薯嘅口感好怪 個人覺得麻薯反而係呢度拖左後腳
🥞楊枝甘露布甸包
💰18
🥞培茶布甸包
💰20
呢個培茶真係好大個 噴水叮熱返之後個法包皮都容易咬 跟著一咬開培茶個口就即刻見到流心入面duangduang咁郁 培茶味都好濃郁 但係入面茶葉顆粒實在佔比太多 搞到口感有D粗糙 所以食得比較膩😞
🥧麻糬蛋撻
💰16
麻糬蛋撻兩樣嘢都特別吸引我 呢度擺麻糬就好過係芝士布甸包入面個度 蛋撻皮係曲奇皮 不過擺耐左有D淋 下面麻糬都硬左 可能整熱會好食D（但係真係拒絕唔到凍蛋撻！）蛋撻液甜味有D過左 如果淡味D會好味D！
整體來講呢間雖然口味新穎 選擇多多 但係質素同每間鋪頭嘅品控都唔係太好 所以大家可以好奇嚐鮮嘅😗
📌 紅豆烘焙 (華美大廈) (旺角)
旺角上海街520A-522號華美大廈地下A2-A3號舖
📌 紅豆烘焙 (寶靈街) (佐敦)
佐敦寶靈街12號地舖
張貼
