桔梗 (已結業)

三個女仔朋友約食飯 其中一個文青系朋友話呢間鋪喺台灣好出名 所以一於嚟試下喺假期晚上喺食 book咗位所以唔洗等 帶位姐姐係講國語嘅 態度幾好 暫時未被香港嘅生活壓力催殘 可能因為間鋪太大所以仲有位 我地喺地下坐 環境係的確寬敞 裝修幾有文青風格鋪頭係自助形式 排隊落order要等 排到話嘢食要等一個鐘 好彩我地唔緊時間 買完之後有個感應器比我哋 要自己攞嘢食唔洗等好耐 就可以拎沙律同麵包 沙律菜係一般 但係幾鍾意沙律入面橙色嗰種唔知生果定疏菜 酸酸甜甜 幾清新麵包係脆嘅 我自己就唔太鍾意呢個口感 酒味嘅醬好特別 不過我哋三個都唔好酒 覺得有啲苦我哋叫咗個薯條 係幼嗰種 幾脆 份量唔少 個醬汁比較清新 可以解油膩我哋share一個海鮮risotto 係幾好味 海鮮足料新鮮 有budget可以一試Overall呢間cafe幾適合鐘意清新口味嘅朋友 口味似外國cafe 環境都舒服 可以試下價錢頗貴 不過都理解 鋪租應該都唔平食物選擇少另外自助攞食物都幾麻煩 要分幾次去拎 不過免加一都算係咁啦