影片
更多
2024-01-17
90 瀏覽
做開CD Rom 今次都要出食評吐吐苦水，申子而家有個Menu 係午市叫個貴餐然後半價個平餐，個Menu 係如圖咁既。我同朋友去Lunch, 見到貴Menu 唔太岩食就要兩個生薑燒飯啦，食物唔評論了，重點係食完埋單連加一收我$47x, 下？當時Serve 我地既係日籍店員，我地提出個價錢有問題後佢拎左落去同另一位同事研究，搞完一輪拎上來，最新價錢係$43x…日籍店員大約講左幾句咩新舊menu 有價差之類，然後就只計少三十幾蚊算數。我地再解一次，今次店員就解釋係: 個Menu 叉完show 俾你個價係佢好心幫你計好特價之後條數，如果唔用佢優惠就要收原價。而佢又已好好心地將我兩個所謂平餐做左特價，所以就並無收哂兩個餐正價。係再爭論一輪無果之下，唯有俾錢當自己食左份人生最貴既生薑燒飯，至於店員話佢會同當時不在場既經理反映下個menu 既設計問題，真唔真就不得而知。而我同朋友其實斟酌既位有三點：1，而家即係佢Mark 個數再叉走佢，然後側邊再寫有優惠，咁正常理解會係佢點都會收我佢叉完Show 出來個價。佢呢個「好心幫你計埋用左優惠既價」其實違反左正常閱讀邏輯。2，更加重要既係，佢叉完俾出來個數
我同朋友去Lunch, 見到貴Menu 唔太岩食就要兩個生薑燒飯啦，食物唔評論了，重點係食完埋單連加一收我$47x, 下？
當時Serve 我地既係日籍店員，我地提出個價錢有問題後佢拎左落去同另一位同事研究，搞完一輪拎上來，最新價錢係$43x…日籍店員大約講左幾句咩新舊menu 有價差之類，然後就只計少三十幾蚊算數。
我地再解一次，今次店員就解釋係: 個Menu 叉完show 俾你個價係佢好心幫你計好特價之後條數，如果唔用佢優惠就要收原價。而佢又已好好心地將我兩個所謂平餐做左特價，所以就並無收哂兩個餐正價。係再爭論一輪無果之下，唯有俾錢當自己食左份人生最貴既生薑燒飯，至於店員話佢會同當時不在場既經理反映下個menu 既設計問題，真唔真就不得而知。
而我同朋友其實斟酌既位有三點：
1，而家即係佢Mark 個數再叉走佢，然後側邊再寫有優惠，咁正常理解會係佢點都會收我佢叉完Show 出來個價。佢呢個「好心幫你計埋用左優惠既價」其實違反左正常閱讀邏輯。
2，更加重要既係，佢叉完俾出來個數，$239 同$139 根本唔係半價，有乜可能用呢樣野來拗只要我唔用佢優惠就要收我$239?
3，就退一步當佢個說法成立，其實一樣都唔合理，因為如是者其實佢生薑燒定價係貼近刺身餐價錢，如果佢肯話我知個Menu 要用佢個超常邏輯理解的話，我哋會直接叫兩個貴餐無咁嬲。
可能係我同朋友理解力有問題啦，但呢件事都反映到呢間店定價唔太合理。至於點解佢最後平番＄3x 俾我，我同朋友都覺得係店員本身知佢地Menu 有呢個問題但又話唔到事，就為左息事寧人就是但平少少當免我地加一算；不過背後真正原因係點我地就唔深究了。
張貼
