福薈川菜 (已結業)

今日行波鞋街遇到大雨，突然起意下川菜館，啱啱附近有間福薈川菜館！餐廳餐牌有米線套餐、拌麵、客飯套餐和小菜套餐好多選擇！朋友鐘意吃米線，佢嗌左餐廳招牌菜：酸菜生魚米線，加$3飲凍檸茶。生魚好滑，料又豐富：有芽菜、豆泡、木耳、酸菜！加埋米線，大大一份，好抵食！天氣悶熱，我就嗌左麻辣牛展拌麵，加$3飲凍奶茶。拌麵是涼拌拉麵，拌上青瓜絲、芫茜、蔥和紅油，香噴噴看著就好開胃。牛展師傅切得薄薄的，牛肉味濃郁！拌上麻辣紅油，最適合夏天食。